جبلِ رحمت، میدانِ عرفات میں لاکھوں حجاج کو ایک کرنے والا عظیم منظر

مکہ مکرمہ:27؍مئی:آج عرفات کے مقدس میدان کے قلب میں واقع جبلِ رحمت ایک عظیم روحانی منظر پیش کرتا دکھائی دیا، جہاں خشوع و خضوع اور عاجزی کی کیفیات نمایاں تھیں۔فجر کی پہلی ساعتوں سے ہی لاکھوں حجاج اس پاکیزہ مقام پر جمع ہونا شروع ہوگئے، ہاتھ دعا کے لیے بلند تھے اور فضا تلبیہ و تکبیر کی صداں سے گونج رہی تھی۔ یہ منظر دنیا بھر سے آئے مسلمانوں کے اتحاد اور یکجہتی کی خوبصورت تصویر بن گیا۔جبلِ رحمت کی ڈھلوانوں اور اطراف میں مختلف قومیتوں اور ثقافتوں سے تعلق رکھنے والے حجاج کے روح پرور مناظر دیکھنے میں آئے، جنہیں اللہ کی رحمت کی امید اور اخلاص نے ایک جگہ جمع کر دیا تھا۔اس عظیم دن میں دعائیں مانگی گئیں، آنکھیں اشکبار ہوئیں اور بندگی و خشیت کے جذبات اپنے عروج پر دکھائی دیے، جو مسلمانوں کے نزدیک سال کا سب سے بابرکت اور عظیم دن سمجھا جاتا ہے۔جبلِ رحمت کے مقام پر حجاج کی آمد و رفت انتہائی منظم اور رواں رہی، جس کے لیے متعلقہ اداروں کی جانب سے جامع انتظامی اور آپریشنل منصوبے مثر انداز میں نافذ کیے گئے۔پیدل چلنے والوں کے راستوں کی نگرانی، جبل کے اطراف مقامات تک رسائی کی منظم ترتیب، جبکہ رہنمائی، طبی اور انسانی خدمات چوبیس گھنٹے فراہم کی جاتی رہیں۔
سایہ داری اور ماحول کو خوشگوار بنانے کے منصوبے
حجاج کرام کو بہتر سہولیات فراہم کرنے اور شدید گرمی کے اثرات کم کرنے کے لیے مکہ مکرمہ اور مشاعرِ مقدسہ کی رائل کمیشن کی انتظامی شاخ ”کدانہ ڈیولپمنٹ اینڈ ڈویلپمنٹ کمپنی” کی جانب سے سایہ داری اور ماحول کو معتدل بنانے کے بڑے منصوبے مکمل کیے گئے، جو مجموعی طور پر ایک لاکھ چھیانوے ہزار مربع میٹر رقبے پر محیط ہیں۔منصوبے کے پہلے مرحلے میں 785 مربع میٹر سے زائد رقبے پر بڑے شیڈز نصب کیے گئے، جبکہ درجہ حرارت کم کرنے اور حجاج کو دورانِ سفر و ادائیگیِ مناسک زیادہ آرام دہ ماحول فراہم کرنے کے لیے 129 خصوصی واٹر مسٹ فین ستون بھی فعال کیے گئے۔
سایہ دار مقامات کی گنجائش میں اضافہ
حج 1447 ہجری کے دوران ”کدانہ” نے منصوبے کا دوسرا مرحلہ بھی مکمل کر لیا، جس کے بعد سایہ دار اور ٹھنڈے مقامات کی گنجائش گزشتہ سال کے مقابلے میں پانچ گنا بڑھ گئی، جبکہ مجموعی رقبہ بڑھ کر 2 لاکھ 72 ہزار مربع میٹر سے تجاوز کر گیا۔توسیعی منصوبے کے تحت 18 جدید شیڈز نصب کیے گئے ،جن میں 36 واٹر مسٹ فین شامل ہیں، جبکہ ماحول کو خوشگوار بنانے کے لیے 7 جدید یونٹس اور 107 واٹر اسپرے ستون بھی لگائے گئے۔یہ اقدامات پہلے مرحلے کی تکمیل کا تسلسل ہیں، جس میں 3 شیڈز، 6 واٹر مسٹ فین اور 165 سے زائد واٹر اسپرے ستون نصب کیے گئے تھے۔
مکمل سہولیات کا مربوط نظام
جبلِ رحمت کے اطراف حجاج کرام نے سایہ دار مقامات پر قرآنِ پاک کی تلاوت، ذکر اور دعاں میں وقت گزارا، جبکہ مختلف زبانوں میں مانگی جانے والی دعاں کی صدائیں فضا میں گونجتی رہیں۔یہ روح پرور منظر یومِ عرفہ پر مسلمانوں کے اتحاد اور عبادت میں یکسوئی کی خوبصورت عکاسی کرتا رہا۔یہ مربوط نظام ان وسیع اقدامات کی جھلک پیش کرتا ہے ،جو سعودی عرب حجاج کرام کی خدمت کے لیے انجام دے رہا ہے۔مقدس مقامات میں بنیادی ڈھانچے کی بہتری اور انتظامی ماحول کو جدید بنانے کے ذریعے حجاج کو محفوظ، پرسکون اور آرام دہ ماحول میں مناسک کی ادائیگی کی سہولت فراہم کی جا رہی ہے۔