مدرسہ تحتانیہ نسوان مدینتہ العلوم ناندیڑ شفٹ اول میں کینٹین ڈے

بچوں کے چھوٹے ہاتھوں کو چاند ستارے چھونے دو
چار کتابیں پڑھ کر یہ بھی ہم جیسے ہو جائیں گے
ناندیڑ:18؍جنوری ( راست) آج بتاریخ 18/جنوری 2025 بروز ہفتہ مدرسہ تحتانیہ نسوان مدینتہ العلوم ناندیڑ میں ہر سال کی طرح اس سال بھی جماعت اول دوم،وسوم کے طلباء وطالبات کے ذریعے کینٹین ڈے سرگرمی کا انعقاد عمل میں آیا۔جس کے ذریعے بچوں کو پیسوں کے لین دین ، حساب کتاب ، جمع تفریق ، کے طریقۂ کار کا اعادہ ہوا ۔خوردنی اشیاء کے ناموں سے واقفیت ہوتی ہے یہ سرگرمی بچوں کی پوشیدہ صلاحیتوں کو بروئے کار لانے نیز ان میں خود اعتمادی کے فروغ کا ایک ذریعہ ہے۔ ننھے منے نونہالوں نے کافی ذوق وشوق کا مظاہرہ کیا۔ اس تعلیمی سرگرمی میں سرپرست حضرات ، صدر معلمہ مدرسۂ ھذا ، اور معلمہ محترمہ صالحہ فاروقی نے شرکت کی نیز بچوں سے چیزیں خرید کر کھائیں اور توصیفی کلمات کے ذریعے بچوں کی حوصلہ افزائی کی۔ایک جوش وخروش کا ماحول تھا۔محترمہ فہیم خاتون صاحبہ ، نازیہ انجم اور مسیرہ نے اس پروگرام کی تیاری دلجمعی سے کی۔ طلباء وطالبات کی شمولیت ، سرپرستوں کے تعاون ، صدرمعلمہ کی حوصلہ افزائی سے محترمہ فہیم خاتون صاحبہ نے اس سرگرمی کو کامیابی سے ہمکنار کیا۔