اردھاپور سینٹر میں تعلیمی کانفرنس کا کامیاب انعقاد

ضلع پریشد اردو اسکول دیلوب بزرگ کے فعال استاد عالیجناب محمد اعجاز محمد نواز کے ساتھ دیگر فعال اساتذہ اکرام کا اعزاز
اگر اساتذہ اس طرح منصوبہ بند اور مستقل مزاجی سے کام کریں تو اردھاپور سینٹر کے طلباء کی تعلیمی سطح میں مزید اضافہ ہوگا

اردھاپور:16؍اگست ( راست) آج مورخہ 16؍اگست 2024ء کو اردھا پور ہائی اسکول میں اردھاپور سینٹر کی تعلیمی کانفرنس کا انعقاد عمل میں آیا ۔ اردھاپور کے کیندر پرمکھ جناب وکاس چوہان، بطور صدر اردھاپور تعلیمی کانفرنس میں موجود تھے۔ شری مانیک راؤ مسکے سر ساتھ شری واکوڈے سر اور شری جوشی سر نے مذکورہ ایجوکیشن کونسل میں رہنمائی کی۔ صدر اور دیگر معززین کا گلدستے سے استقبال کیا گیا ۔چوہان سر نے اس تعلیمی کانفرنس کی غرض و غایت بیان کی ۔ اس کانفرنس میں تعلیمی فعال سرگرم اساتذہ کا اعزاز کیا گیاجس میں ضلع پرشد اردو اسکول دیلوب بزرگ کے سرگرم فعال استاد عالیجناب محمد اعجاز محمد نواز صاحب کے ساتھ جے شری غوربند میڈم – کھڑکی،اوشا نلگیرے میڈم – پارڈی، سپریا سوریہونشی میڈم – مینڈھلا خورد، فرزانہ میڈم-نئی آبادی، اردھاپور، سریکھا میڈم – رام نگر، ضلع پریشد پرائمری سکول پانگری پرنسپل اور تمام اسٹاف، درویشور میڈم – سانگوی، گووند اپاسے سر-واحد پور واڑی، مرکزی صدر مدرس اشوک گائیکواڑ صاحب کو بھی مبارکباد دی گئی۔ اساتذہ کی اسکول میں بہترین کام کے معیار کو بڑھانے کے لیے کی جانے والی کوششوں کو سراہا گیا۔ گائیکواڑ میڈم بھارتی دیوی آشرم شالہ اردھاپور اور کوڑی میڈم دیلوب بزرگ نے FLN کے تناظر میں اپنے تجربات کا اشتراک کیا۔ مکند جوشی سر نے ویدھا/مطالعہ کے عمل کے انتظام پر بحث کی۔مسکے سرا نے نیشنل اچیومنٹ سروے (NAS)، سائنس فیئر، انسپائر ایوارڈ کی رہنمائی کی۔ستیش واکوڈے نے FLN کے متوقع عناصر، طلباء کے ادب کی تیاری، پر تبادلہ خیال کیا ۔ آخر میں قومی ترانہ کے ساتھ تعلیمی کانفرنس کا اختتام عمل پذیر ہوا۔