الطاف حسین کو ایم پی جے کا ریاستی نائب صدر منتخب ہونے پر نیک خواہشات کا اظہار

ممبئی: 12؍اگست ( راست) موومنٹ فار پیس اینڈ جسٹس (ایم پی جے) مہاراشٹر ایک نظریاتی عوامی تحریک ہے جو ریاست بھر میں بھوک، بیماری، بیروزگاری، خواتین کی فلاح و استحکام، کسانوں اور مزدوروں کے حقوق کے لیے جدوجہد کر رہی ہے۔ اس تحریک کا مقصد انصاف پر مبنی پُرامن سماج کا قیام ہے۔بروز ہفتہ، اتوار کو ممبئی میں ایم پی جے مہاراشٹر کی ریاستی ایگزیکٹیو کونسل (SEC) کی دو روزہ میٹنگ میں جناب الطاف حسین کو ریاستی سطح پر نائب صدر منتخب کیا گیا۔ منتخب ہونے پر الطاف حسین نے تمام ممبران سے دعاؤں کا مطالبہ کیا اور اپنی نئی ذمہ داریوں کو بہتر انداز میں نبھانے کا عزم ظاہر کیا۔الطاف حسین کے ریاستی نائب صدر منتخب ہونے پر ناندیڑ شہر میں خوشی کا سماں ہے۔ ان کے حلقہ احباب اور ساتھیوں نے اس موقع پر خوشی کا اظہار کرتے ہوئے انہیں مبارکباد پیش کی۔ ایم پی جے ناندیڑ کے ضلع صدر ایس ایم صمیم، ضلعی نائب صدر محمد رفیق، اظہر خان، شہر صدر محمد وسیم، نغمہ صدیقی، رفا مسکان، الطاف ثانی صاحب، اویناش واگھ مارے، لکشمن شندے سر، دھوہتلے سر، کامٹیکر سر اور دیگر رہنماؤں نے الطاف حسین کو تہنیت پیش کی اور ان کے نائب صدر ہونے پر خوشی کا اظہار کیا۔بحیثیتِ نائب صدر الطاف حسین سے توقعات کی جارہی ہے کہ وہ ریاستی سطح پر مزید امن و انصاف، اور سماجی بہتری کی کوششوں میں نمایاں کردار ادا کریں گے اور عوامی تحریک ایم پی جے کو نئی بلندیوں تک پہنچائیں گے۔