شیخ نثار کا انتقال، نمازِ جنازہ بعد نمازِ جمعہ ادا کی جائے گی

ناندیڑ: 4؍ستمبر (نامہ نگار) شیخ نثار ولد شیخ زین الدین کا آج صبح طویل علالت کے بعد انتقال ہوگیا۔ مرحوم پیشے سے ٹیچر تھے اور مخلص صفت اور صلاۃ کے پابند تھے۔ وہ کافی دنوں سے علیل تھے۔ مرحوم شیخ نثار، کارپوریٹر سید فصیح الدین کے حقیقی چھوٹے بہنوئی تھے۔ ان کا مکان حمیدیہ کالونی میں واقع ہے۔ مرحوم کی نمازِ جنازہ ان شاء اللہ بعد نمازِ جمعہ 2:30 بجے گنجِ شہیداں کربلا میں ادا کی جائے گی، جس کے بعد تدفین عمل میں آئے گی۔ پسماندگان میں اہلیہ، دو لڑکیاں اور ایک لڑکا شامل ہیں۔ اللہ تعالیٰ سے دُعا ہے کہ مرحوم کی مغفرت فرمائے اور اہلِ خانہ و دوست احباب کو صبرِ جمیل عطا فرمائے۔ آمین۔