امتِ مسلمہ کے نام بیداری کا اہم پیغام

از مولانا قمر الدین
صدر جمعیتہ العماء تعلقہ پاتھری ضلع پربھنی
بذریعہ ضلع نامہ نگار اعتبار نیوز محمد سرور شریف پربھنی

بسم اللہ الرحمن الرحیم
میرے محترم بھائیو، بزرگوں اور نوجوان ساتھیو!
السلام علیکم ورحمۃ اللہ وبرکاتہ
آج ہم ایک ایسے مرحلے سے گزر رہے ہیں جہاں شعور، بیداری اور ذمہ داری ہی ہماری اصل طاقت ہے۔ الیکشن کمیشن آف انڈیا کی جانب سے جاری SIR (Special Intensive Revision) مہم محض ایک رسمی کارروائی نہیں، بلکہ ہمارے حقوق کے تحفظ اور ہماری شناخت کے استحکام کا ایک مضبوط ذریعہ ہے۔
یہ مہم 30جون سے شروع ہو چکی ہے اور 29 جولائی تک جاری رہے گی۔ اس مختصر مدت میں ہمیں اپنی اور اپنے گھر کے ہر فرد کی معلومات کو درست اور مکمل کرنا ہے۔
یاد رکھیں!
اگر ہم نے آج غفلت برتی تو کل ہمیں اپنے ہی حق سے محرومی کا سامنا کرنا پڑ سکتا ہے۔
میں بحیثیت صدر پاتھری جمعیتہ العماء ضلع پربھنی آپ سب سے نہایت خلوص اور دردمندی کے ساتھ اپیل کرتا ہوں:
اپنے ووٹر ریکارڈ کی فوری جانچ کریں
دونوں ایس آئی آر ( SIR ) فارم کو احتیاط اور مکمل ذمہ داری کے ساتھ پُر کریں
جلد سے جلد اپنے BLO کے پاس جمع کروائیں
اپنے اہلِ خانہ، دوستوں اور پورے محلے کو اس مہم میں شامل کریں
یہ وقت خاموش رہنے کا نہیں، بلکہ جاگنے اور جگانے کا وقت ہے۔
ہماری تھوڑی سی توجہ، ہماری ایک چھوٹی سی کوشش، آنے والے کل میں ہمارے حقوق کی مضبوط ضمانت بن سکتی ہے۔
آئیے عزم کریں کہ ہم نہ صرف خود اس ذمہ داری کو ادا کریں گے بلکہ دوسروں تک بھی یہ پیغام پہنچائیں گے، تاکہ کوئی بھی فرد اس اہم عمل سے محروم نہ رہ جائے۔
اللہ تعالیٰ ہم سب کو صحیح شعور، بہترین عمل اور اپنی ذمہ داری نبھانے کی توفیق عطا فرمائے۔ آمین۔
والسلام
آپ کا مخلص
مولانا قمر الدین
صدر جمعیتہ العماء تعلقہ پاتھری ضلع پربھنی