ناندیڑ: دسویں اور بارہویں کے کامیاب طلبہ کو تہنیت

ناندیڑ:15؍جون ( راست) بتاریخ 13؍جون بروز ہفتہ بعد نمازِ عشاء جامع مسجد قلعہ روڈ ناندیڑ میں ماہانہ درسِ بخاری شریف کا انعقاد عمل میں آیا۔ حضرت علامہ مفتی نذیر احمد خان صاحب نقشبندی (حیدرآباد) نے بخاری شریف کا درس دیا جس سے لوگ مستفید ہوئے۔ بعد ازاں دسویں اور بارہویں میں کامیاب ہونے والے طلبۂ کرام کو تہنیت پیش کی گئی، نیز ممتاز نمبرات سے کامیاب ہونے والے طلبہ کو ترجمۂ کنزالایمان، قانونِ شریعت اور سیرتِ مصطفیٰ ﷺ کی کتابیں دی گئیں۔مفسر علی خان ولد مصطفیٰ علی خان، شایان خان ولد مشتاق خان، محمد لحمدی ولد سلطان لحمدی، سید نوید اللہ ولد نصر اللہ، محمد شیبان ولد محمد عمران، محمد انس خان ولد محمد اعجاز خان، شیخ عرفات ولد شیخ مسعود اور محمد یاسین ولد محمد فیروز کو انعامات سے نوازا گیا۔اس موقع پر مفتی شمس الدین صدیقی صاحب، مفتی عبدالعظیم رضوی، حافظ منور صاحب فاروقی، عمر صاحب قادری، حکیم محبوب علی خان، ایڈووکیٹ مشتاق خان، ڈاکٹر محدث علی خان، قاضی تسنیم احمد فاروقی صاحب، حاجی یونس وندھانی، خسرو بھائی نظامی و دیگر حضرات موجود تھے۔