عدالت نے سی ایم کیجریوال کی عدالتی حراست میں 20 مئی تک توسیع کردی

نئی دہلی:7 مئی۔دہلی کی ایک عدالت نے منگل کو وزیر اعلی اروند کیجریوال کی عدالتی تحویل میں 20 مئی تک توسیع کر دی ہے منی لانڈرنگ کیس میں مبینہ ایکسائز پالیسی گھوٹالے سے متعلق انفورسمنٹ ڈائریکٹوریٹ (ای ڈی) کی طرف سے تفتیش کی جا رہی ہے۔ سپریم کورٹ نے منگل کو اس درخواست پر سماعت کی جس میں ای ڈی کے ذریعہ عام آدمی پارٹی سپریمو کی گرفتاری کو چیلنج کیا گیا تھا۔ عدالت کی دو ججوں کی بنچ نے ان کی عبوری ضمانت کی درخواست پر فیصلہ 9 مئی یا اگلے ہفتے سنانے کا فیصلہ کیا۔ دریں اثنا، راؤس ایونیو کورٹ کی خصوصی جج کاویری باویجا نے کیجریوال کی عدالتی حراست میں توسیع کر دی۔ اس سے پہلے، کیجریوال کی عدالتی تحویل کا مطالبہ کرتے ہوئے، ای ڈی کے ایڈیشنل سالیسٹر جنرل (اے ایس جی) ایس.وی. راجو نے کہا تھا کہ وہ مستقبل میں عاپ سپریمو کی مزید تحویل کی درخواست کرنے کا حق محفوظ رکھتے ہیں۔ ای ڈی نے 21 مارچ کو سی ایم کیجریوال کو گرفتار کیا تھا۔ ای ڈی نے سی ایم کیجریوال کو دہلی حکومت کے دیگر وزراء ،عاپ لیڈروں اور دیگر افراد کے ساتھ مل کر مبینہ ایکسائز ڈیوٹی گھوٹالہ کا "کلیدی سازش کار” قرار دیا ہے۔