محمد حماد اور حیّا کا پہلا روزہ

اردھاپور۔ 23؍ مارچ (راست) رمضان نیکیوں کا موسمِ بہار اور خیر وفلاح کے حصول کا سیزن ہے، اس ماہِ مبارک میں نیکیوں کے کرنے کا اور برائیوں سے دور رہنے کا جذبہ حیرت انگیز طور پر چھوٹے اور بڑوں میں پروان چڑھتا ہے، یہی وجہ ہے کہ عام دنوں میں جن نیکیوں کے کرگزرنے میں بڑی مشقتیں اٹھانی پڑتی ہیں اور خوب مجاہدے کرنے پڑتے ہیں وہ نیکیاں اس ماہِ مبارک میں بآسانی کرلئے جاتے ہیں ۔ نیکیاں کرنے کا یہ جذبہ صرف بڑوں میں ہی نہیں بلکہ چھوٹے اور معصوم بچوں میں بھی خوب پروان چڑھتا ہے، اور دنیا بھر کے ننھے اور معصوم بچے بھی اس ماہِ مبارک میں پوری خوش دلی سے روزہ رکھتے ہیں، جو بڑی اچھی اور خوش آئند بات ہے، انہی معصوم روزہ داروں میں 8 سالہ عزیزم محمد حماد سلمہ عرف حمو اور6 سالہ عزیزی قرۃالعین حیّا سلمہا بھی ہیں جو محمد ایوب باغبان کے فرزندِارجمند اور دخترنیک اختر ہیں۔دونوں معصوم روزہ دار حاجی محمد عیسیٰ صاحب باغبان ( اردھاپور) کے پوترے اورپوتری ہیں۔ عزیزم محمد حماد اور حیّا کی زندگی کا یہ پہلا روزہ تھا ۔دونوں بھائی اوربہن کے اس دینی جذبہ پر بڑےدادا بڑےدادی، چھوٹےدادا چھوٹےدادی، بڑےابو بڑےامی،چاچا چاچی،پھوپا پھوپی،آنٹی انکل،نانی، ماما مامی، دیگررشتہ دار ،دوست احباب اوراہل خانہ نے خوشی کااظہار کرتے ہوئے انہیں اپنی دعاوں سے نوازا اور ان کی حوصلہ افزائی کی۔ دلچسپ بات یہ ہے کہ انہوں نے افطار سےقبل باضابطہ طور پر خصوصی دعائیں مانگی ۔رب کریم کی ذات سے امید قوی ہے کہ وہ ان معصوموں کی دعائوں کو ضرور سنیں گے۔