علیزہ وسیم قریشی کی روزہ رکھائی

بلڈھانہ 18 مارچ (نمائندہ) : پی ایم شری ضلع پریشد اُردو اعلیٰ تحتانی اسکول دیولگاؤں مہی کے درجۂ دوم کی طالبہ علیزہ وسیم قریشی نے 26 رمضان المبارک کو اپنی زندگی کا پہلا روزہ رکھا۔ علیزہ نے بڑے ذوق و شوق سے سحری کی اور دن بھر بھوک و پیاس کی شدت برداشت کرکے اپنا روزہ مکمل کرتے ہوئے سب کو حیرت انگیز خوشی سے دوچار کر دیا۔ علیزہ کے لیے ان کے مکان پر روزہ رکھائی کی تقریب منعقد کی گئی اور خصوصی افطار ترتیب دیا گیا۔ علیزہ کی روزہ رکھائی پر ان کے والدین، خاندان و محلے کے بزرگوں، اساتذہ وغیرہ نے انہیں مبارکباد دی اور اپنی دعاؤں اور تحفوں سے نوازا۔ جماعت دوم کے کلاس ٹیچر شیخ عمران نواب سر اور علیزہ کی سہیلیوں نے بھی انھیں ڈھیر ساری مبارکباد دی۔ ادارہ اعتبار نیوز بھی علیزہ کو مبارکباد پیش کرتا ہےاور ان کی سلامتی و روشن مستقبل کے لیے دعا گو ہے۔