علیشا مہرین کی روزہ رکھائی

دیولگاؤں مہی 24 فروری (نمائندہ): پی ایم شری ضلع پریشد اردو اعلیٰ تحتانی اسکول دیولگاؤں مہی کے درجۂ دوم میں زیرِ تعلیم سات سالہ ننھی منی طالبہ علیشا مہرین رئیس خان نے پانچویں رمضان المبارک کو اپنی زندگی کا پہلا روزہ رکھا۔ علیشا مہرین نے بڑے ذوق و شوق سے سحری کی۔ ان کے پہلا روزہ رکھنے پر ان کے گھر پر ان کے لیے خاص افطاری ترتیب گئی تھی۔ علیشا مہرین کی روزہ رکھائی پر ان کے والدین، خاندان و محلے کے بزرگوں، اساتذہ وغیرہ نے انہیں مبارکباد دی اور اپنی دعاؤں اور تحفوں سے نوازا۔ علیشا مہرین کے کلاس ٹیچر شیخ عمران نواب سر اور ان کی سہیلیوں نے بھی انہیں خوب خوب مبارکبادیاں پیش کیں۔ ادارہ اعتبار نیوز بھی علیشا مہرین کو ڈھیر ساری مبارکباد پیش کرتا ہےاور ان کی سلامتی و روشن مستقبل کے لیے دعا گو ہے۔ واضح رہے کہ علیشا مہرین اپنے اسکول کی ایک ہونہار طالبہ ہے۔ انہیں پڑھنے لکھنے کا بہت شوق ہے اور وہ پابندی سے اسکول جاتی ہیں۔