مقامی مسائل کی تلاش سے ہی کاروباری مواقع پیدا ہونگے : امیت کمار جین

سولاپور :28؍جنوری(اِقبال باغبان ) : ’’طلباء کو صرف کتابی علم پر انحصار نہیں کرنا چاہیے، بلکہ تجارتی تحقیق کے ذریعے مقامی سطح پر گاہکوں کو درپیش مسائل کا پتہ لگانا چاہیے۔ آپ مقامی ضروریات اور مسائل سے بہترین کاروباری آئیڈیاز لے کر آئیں گے اور ان سے کامیاب کاروباری افراد سامنے آئیں گے‘‘ یہ بات سولاپور گارمنٹ مینوفیکچررز ایسوسی ایشن کے ڈائریکٹر امیت کمار جین نےاس ورکشاپ میں کہا۔ پونیاشلوکا اہلیا دیوی ہولکر سولاپور یونیورسٹی اور سولاپور سوشل ایسوسی ایشن آرٹس اینڈ کامرس کالج کے شعبہ کامرس اور نظم و نسق کی طرف سے مشترکہ طور پر منعقد ’’کامرس، مینجمنٹ اور انٹرپرینیورشپ میں تحقیق‘‘ کے موضوع پر ایک روزہ یونیورسٹی سطحی ورکشاپ سے خطاب کر رہے تھے۔ورکشاپ کا افتتاح امیت کمار جین اور یونیورسٹی مینجمنٹ کونسل کے رکن پروفیسر دیوآنند چلو نت نے کی۔ پروگرام کی صدارت کالج کے انچارج پرنسپل ڈاکٹر اِقبال تمبولی نے کی، جبکہ استقبالیہ اور تعارف ورکشاپ کے منتظم اور شعبہ کامرس کے سربراہ پروفیسر ڈاکٹر جین الدین ملا نے کیا۔انکیوبیشن سینٹر کی طرف سے تعاون : طلباء کی رہنمائی کرتے ہوئے پروفیسر دیوانند چلونت نے کہا،’’ان دنوں ملازمت مانگنے کے بجائے ملازمت فراہم کرنے والے بنیں۔ اگر آپ کے پاس مضبوط کاروباری آئیڈیا ہے، تو پونیاشلوک اہلیا دیوی ہولکر سولاپور یونیورسٹی کا ‘انکیوبیشن سینٹر آپ کو جگہ، رہنمائی اور شروع کرنے کے لیے مالی مدد کے معاملے میں ہر ممکن مدد فراہم کرے گا۔‘‘اس ورکشاپ میں سولاپور یونیورسٹی سے منسلک مختلف کالجوں کے شعبہ کامرس اینڈ مینجمنٹ کے پروفیسرز جنہوں نے اپنی پی ایچ ڈی مکمل کی۔ اور جنہیں پروفیسرز اور ایسوسی ایٹ پروفیسرز کے طور پر ترقی دی گئی انہیں تمغوں سے نوازا گیا۔ورکشاپ کے بیج تقریری سیشن میں ڈاکٹر سنیل پاٹل نے ’کامرس اینڈ مینجمنٹ میں ریسرچ میتھڈولوجی‘ کے موضوع پر طلبہ کی رہنمائی کی۔اس ورکشاپ کو طلبہ اور اساتذہ کافی تعداد میں شامل ہوئےتھے۔ مختلف کالجوں کے کل 113 افراد نے شرکت کی۔ دو مختلف ٹیکنیکل سیشنز میں کل 52 طلباء نے اپنے تحقیقی مقالے پیش کئے۔ ان سیشنز کا جائزہ ڈی ایس جی کالج موہول کے ڈاکٹر سنیل مورے اور سنگمیشور کالج کے ڈاکٹر سنگیتا کامت نے لیا۔ دونوں سیشنز میں بہترین تحقیقی مقالوں کو انعامات سے نوازا گیا۔ورکشاپ کا اختتام اور تقسیم انعامات کی تقریب دیانند کالج کے انچارج پرنسپل ڈاکٹربی۔ ایچ۔ دامجی کے ہاتھوںدیا گیا۔ انہوں نے طلباء کو تحقیق کی اہمیت سے آگاہ کیا اور ان کے مستقبل کے تحقیقی کام کے لیے نیک خواہشات کا اظہار کیا۔پہلے سیشن میں بہترین ریسرچ پیپر پریزنٹیشن ایوارڈ- پہلا مقام- ایچ این کالج سولاپور، دوسرا مقام- لکشمی بائی بھاؤ راؤ پاٹل مہیلا مہاودیالیہ سولاپور، تیسرا مقام سنگمیشور کالج سولاپور۔ حوصلہ افزائی-گرد کالج موہول، حوصلہ افزائی-سنتوش بھیم راؤ پاٹل کالج مندروپ۔دوسرے سیشنز کے بہترین تحقیقی مقالے پریزنٹیشن ایوارڈ- پہلا مقام سوشل کالج، سولاپور، دوسرا مقام- شیودارے کالج سولاپور، تیسرا مقام سی۔بی۔ کھیڈگیج کالج، اکل کوٹ۔حوصلہ افزائی ۔آےآر برلا ویمنس کالج، سولاپور۔اس ورکشاپ کو کامیاب بنانے کے لیے شعبہ کامرس کے سربراہ پروفیسر ڈاکٹر جین الدین ملا، ڈاکٹر ٹی۔ بی۔ لدف، فاروق شیخ اور شعبہ کامرس کے طلبہ نے بھرپور محنت کی۔