اسکول بچاؤ سمیتی اور علم اکیڈمک سینٹر امراوتی کی جانب سے محترم توصیف پرویز کا پرتپاک استقبال

امراوتی :26؍اکتوبر(راست)گزشتہ آٹھ برسوں سے ایس سی ای آر ٹی، مہاراشٹر (پونہ) کے شعبۂ اردو میں اپنی گراں قدر خدمات انجام دینے اور حال ہی میں بال بھارتی، پونہ میں نصابی رابطہ کار برائے اردو کے طور پر تقرر کیے جانے پر ضلع امراوتی کی جانب سے محترم توصیف پرویز صاحب کا شاندار اور پرتپاک استقبال کیا گیا۔یہ استقبالیہ اسکول بچاؤ سمیتی اور علم اکیڈمک سینٹر امراوتی کے زیرِ اہتمام منعقد ہوا، جس میں محترم سنجے کھوڈکے صاحب (ایم ایل اے، ودھان پریشد) اور محترمہ سُلبھا کھوڈکے صاحبہ (ایم ایل اے، امراوتی ودھان سبھا حلقہ) نے اپنے دستِ مبارک سے توصیف پرویز صاحب کا استقبال کیا۔اس موقع پر محترم سنجے اگروال (مدیر روزنامہ منڈل، امراوتی)، محترم عبدالرازق حسین صاحب (ماہرِ تعلیم و ڈائریکٹر علم اکیڈمک سینٹر، امراوتی)، اسکول بچاؤ سمیتی کے تمام عہدیداران و ذمہ داران اور ضلع بھر سے آئے ہوئے ہزاروں شرکاء موجود تھے۔