جشنِ غوث الوریٰ کے موقع پر پربھنی میں محفلِ نعت کا انعقاد، علمائے کرام اور عوام کی کثیر تعداد میں شرکت

پربھنی: 20؍اکتوبر(ضلع نامہ نگار اعتبار نیوز محمد سرور شریف )شہر پربھنی میں جشنِ غوث الوریٰ (گیارہویں شریف) کے پرمسرت موقع پر ایک عظیم الشان محفلِ نعت سمیع اللہ خان صاحب کے عنایت نگر کے مکان پر پروگرام منعقد ہوا جس میں شہر اور اطراف کے علاقوں سے آئے ہوئے علمائے کرام اور عوام نے بڑی تعداد میں شرکت کی۔ محفل میں نعت خوانوں نے خوبصورت آواز میں نعتیں پیش کیں اور فضا کو روحانیت سے سرشار کر دیا۔پروگرام سنیچر 19 اکتوبر کو عمل میں آیا۔اس محفل میں نوجوانوں، بزرگوں اور خواتین سمیت عوام کی ایک کثیر تعداد شریک تھی، جس سے یہ ظاہر ہوتا ہے کہ لوگ غوث اعظمؒ سے گہری عقیدت رکھتے ہیں۔جس کی مسندِ صدارت پر مفتی احمد رضا حمرًان امام و خطیب مسجدِ امام حُسینؓ زم زم کالونی جلوہ افروز تھےاور بطورِمہمانِ خصوصی ، ایم ۔ اےرشید، کانگریس یووا نیتا احزام خان، غلام مرتضیٰ صاحب، محمد عبدالصبور رضا قادری مجود رہے۔عبیداللہ خان، محمد کیفی، سیفی اعظمی سیف، عبدالعلیم، سراج احمد خان، شعیب خان، احمد علی خان، سلیم صاحب، نہ نعت شریف پیش کی، نظامت علی نعیمی نے کی اور سمیع اللہ خان صاحب نے شکریہ ادا کیا۔