پربھنی میں نعتیہ شعری نشست کا کامیاب انعقاد

پربھنی:18؍اکتوبر ( ضلع نامہ نگار اعتبار نیوز محمد سرور شریف ) گزشتہ شب 9 بجےمنجانِب خان ا کیڈمی بمکان سمیع ﷲ خان عنایت نگر پربھنی ایک پُروقارکامیاب نعتیہ شعری نشست کاانعقادکاکیا گیاجس کی مسندِ صدارت پر مفتی احمد رضا حمرًان امام و خطیب مسجدِ امام حُسینؓ زم زم کالونی جلوہ افروز تھےاور بطورِمہمانِ خصوصی احمدخان، ایم ۔ اے اورنگ آبادی شریکِ محفل رہے۔ اِس مبارک محفل میں استاذُالاساتذہ ، ماہرِ علمِ عروض شفیع احمد شفیعؔ کااستقبال”افکارِ بصیرت”شکاگو، امریکہ ، میں نعتِ پاک طبع ہونے کی خوشی میں وانصاری جاویدؔکااستقبال تعلیمی خدمات کےاعتراف میں خان اکیڈمی کی جانب سےصدرمحفل , مہمانِ خصوصی وصاحب خانہ کے ہاتھوں کیاگیا۔سبھی شعراء حضرات کو بھول پیش کرکےخوش آمدید کہاگیا نظامت کےدوران ارشادضیاء نے نعتیہ اشعارسےمحفل کی روحانیت میں اضافہ کردیا جن شعراء حضرات نےحمد ، نعت ومنقبت پرمشتمل کلام پیش کیااُن کےاسمائےگرامی مفتی احمدرضاحمرًانؔ ، شفیع احمد شفیعؔ ،کلیم کسؔک ، حبیبؔ ہاشمی،وحید اسلمؔ ، سیّد کریم ﷲحُسینی نیًر ، شاکراحمدخان شاکر پرتوری ، انصاری جاویدؔ، سیّدرضوان , عمًار اقبال صدیقی،جُنید فاروقی کے نام شامل ہیں احمد خان ، ایم اے اورنگ آبادی نےاظہارِخیال کےدوران شعراءحضرات کو نعت پاک کہنےکےلیےتوجہ مبذول کروائی ۔نشست میں شعیب خان ، اشرف خان ،‌ احمد خان کے علاوہ دیگر نعتیہ کلام کے شوقین حضرات نے شرکت فرمائی رات دیرگئےسمیع اللہ خان کے اظہارِ تشکر پرنشست کا اختتام عمل میں آیا۔