ناندیڑ میں IYF کے زیر اہتمام سیرت النبی ﷺ کانفرنس و کوئز پرائز ڈسٹریبیوشن کامیابی کے ساتھ اختتام پذیر

ناندیڑ:26؍ستمبر (پریس ریلیز)الحمدللہ! آج بروز جمعہ 26 ستمبر 2025 ناندیڑ میں IYF کی جانب سے سیرت النبی ﷺ کے عنوان پر منعقدہ جلسہ عام اور کوئز پرائز ڈسٹریبیوشن کامیابی کے ساتھ اختتام پذیر ہوا۔اس جلسہ عام میں محترم مولانا محمد سعد عبداللّٰہ صاحب ندوی (امام و خطیب مسجد نورِ محمدی، ناندیڑ) اور مولانا محفوظ عالم مدنی صاحب (امام و خطیب جامع مسجد، پوسد) نے نہایت پُراثر انداز میں خطاب کیا۔مقررین نے نبی اکرم ﷺ کی سیرتِ طیبہ کے مختلف پہلوؤں پر روشنی ڈالی اور حاضرین کو دینِ اسلام کی اصل تعلیمات اپنانے کی تلقین کی۔ ساتھ ہی انہوں نے IYF کی اس علمی و اصلاحی سرگرمی کو بھرپور انداز میں سراہا۔انعام یافتہ کامیاب طلباء نے کوئز کمپیٹیشن کے حوالے سے کہا کہ اس قسم کے پروگرام دینی شعور بیدار کرنے، مطالعہ میں دلچسپی بڑھانے اور عملی زندگی میں نبی کریم ﷺ کی تعلیمات کو اپنانے کے لیے نہایت مفید ہیں۔آخر میں یہ بابرکت اجلاس محترم مولانا محمد سعد عبداللہ صاحب ندوی کی دعا پر اختتام پذیر ہوا۔