فقیر محمد خان اردو ہائی اسکول پھلمبری کے اُستاد عبدالرزاق سر کو خراجِ تحسین

از قلم سیّد عبدالقدوس علی
مدرس فقیر محمد خان اردو اسکول پھلمبری

ایک عظیم استاد کی زندگی کا سفر:
ع۔۔
نہ گھبراؤ اندھیروں سے اندھیری رات کا مالک
مسافر حوصلہ رکھے تو جگنو بھیج دیتا ہے
تعلیم و تربیت کا سفر آسان نہیں۔ یہ راستہ صرف وہی لوگ اختیار کرتے ہیں جن کے دل میں روشنی اور دوسروں کے لیے خیرخواہی ہو۔ انہی عظیم ہستیوں میں سے ایک نام ہے محترم استاد عبدالرزاق صاحب کا، جنہوں نے اپنی زندگی کا بیش قیمت سرمایہ تعلیم کے فروغ اور طلبہ کی رہنمائی میں صرف کیا۔
تعلق حیدرآباد سے، خدمات پھلمبری میں:
عبدالرزاق سر کا تعلق تاریخی شہر حیدرآباد سے ہے۔اور آپ کی پرائمری اور ہائی اسکول کی تعلیم سینٹ جارجز گرائمر پرائمری اینڈ ہائی اسکول حیدرآباد میں ہوئی جہاں سے مشہور زمانہ خلاباز راکیش شرما نے اور بڑے لوگوں نے تعلیم حاصل کی ہے اسی کے ساتھ موصوف نے جونیئر کالج کی پڑھائی انورالعلوم جونیئر کالج حیدرآباد ، ڈی فارم کملا نہرو پالی ٹیکنک اورنگ آباد ،بی فارم کی تعلیم انسٹیٹیوٹ آف فارمیسی پوسد ضلع ايوت محل ، بی اے چشتیہ کالج خلدآباد اورنگ آباد ، بی ایڈ پیر حاجی علی شاہ بُخاری (ڈاکٹر ذاکر حسین) سے کیا۔
جس کے لیے بزبان یہ شعر نکلتا ہے
ع۔۔
اُبھرنے ہی نہیں دیتی ہمیں بیمائیگی دل کی
ورنہ کون دریا ہے جو سمندر ہو نہیں سکتا
سر نے اپنی ملازمت اور تدریسی خدمات کا بیشتر حصہ انہوں نے پھلمبری میں گزارا۔ ان کی یہ قربانی سب کے لیے قابلِ تقلید ہے کہ وہ ہر ہفتے حیدرآباد آتے جاتے رہے تاکہ ایک طرف گھر کی ذمہ داریاں نبھائیں اور دوسری طرف طلبہ کی تعلیم میں کوئی کمی نہ آنے پائے۔
استاد سے بڑھ کر رہنما:
سر نے اپنی ملازمت کے دوران صرف ایک استاد کی حیثیت سے خدمات انجام نہیں دیں بلکہ وہ طلبہ کے لیے ایک رہنما، دوست اور مشفق والد کی طرح ثابت ہوئے۔ انہوں نے نصاب کے ساتھ ساتھ زندگی گزارنے کا سلیقہ بھی سکھایا۔ ان کی خوش اخلاقی، وقت کی پابندی، ایمانداری اور محبت بھرا رویہ ہر ایک کے دل کو چھو لیتا تھا۔
خاندان کی ذمہ داریاں اور قربانیاں:
عبدالرزاق سر نے خاندانی زندگی میں بھی اپنے کردار کو بخوبی نبھایا۔ بیوی اور بچوں کی کفالت، نواسیوں اور بچیوں کی تربیت و پرورش کو انہوں نے ہمیشہ مقدم رکھا۔ یہ ان کی شخصیت کا وہ پہلو ہے جو سب کے لیے مشعلِ راہ ہے کہ ملازمت اور خاندان دونوں ذمہ داریوں کو توازن کے ساتھ نبھایا جا سکتا ہے۔
ایک سبق آموز زندگی:
عبدالرزاق سر کی زندگی کا ہر پہلو ہمیں یہ سبق دیتا ہے کہ ایمانداری، صبر اور محبت کے ساتھ زندگی گزارنے والا انسان ہی حقیقی کامیاب ہوتا ہے۔ وہ ہمیں یہ سکھا گئے کہ علم کا چراغ جلانا دراصل نسلوں کو منور کرنا ہے۔
ریٹائرمنٹ—اختتام نہیں، آغاز ہے:
ریٹائرمنٹ بظاہر ایک اختتام لگتا ہے، مگر حقیقت میں یہ ایک نئے سفر کی شروعات ہے۔ آج اگرچہ عبدالرزاق سر تدریسی فرائض سے سبکدوش ہو گے ہیں، لیکن ان کی یادیں، ان کی قربانیاں اور ان کی تعلیمات ہمیشہ ہمارے دلوں کو روشن رکھیں گی۔
دعائیہ کلمات:
ہم سب دل کی گہرائیوں سے دعا گو ہیں:
اے اللہ! عبدالرزاق سر کی آنے والی زندگی کو خوشیوں سے بھر دے،
ان کی صحت کو قائم رکھ،
ان کے اہلِ خانہ اور نواسیوں کو ان کے لیے رحمت بنا،
اور ان کے علم کا فیض قیامت تک جاری رکھ۔ آمین۔
اختتامی پیغام:
آخر میں بس یہی کہا جا سکتا ہے:
’’چراغ بجھتے نہیں، یادیں مٹتی نہیں،
جو لوگ علم بانٹتے ہیں وہ دلوں میں ہمیشہ زندہ رہتے ہیں۔‘‘