الہدیٰ پبلک اسکول ناندیڑمیں پرچم کشائی کی تقریب

ناندیڑ:16؍ اگست (راست) الحنیف ایجوکیشنل ویلفیئر اینڈ کلچرل ایجوکیشن سوسائٹی ناندیڑ کے زیرِ اہتمام چلنے والے تعلیمی ادارہ الہدیٰ پبلک اسکول ناندیڑمیں یومِ آزادی کا جشن نہایت جوش و خروش، ملی جذبے اور شاندار طریقے سے منایا گیا۔ اسکول کے احاطے کو رنگ برنگے غباروں، جھنڈیوں اور ترنگے پرچم سے سجایا گیا۔پرچم کشائی کے بعد اسکول کے تمام طلبہ اور اساتذہ نے جھنڈے کو سلامی پیش کی۔اس کے بعد بچوں میں مٹھائی تقسیم کی گئی۔تقریب کے اختتام پر اساتذہ نے بچوں کی حوصلہ افزائی کی اور ان کی کارکردگی کو سراہا۔اسی کے ساتھ یہ تقریب خوشگوار ماحول میں اپنے اختتام کو پہنچی۔