ناندیڑ میں یومِ آزادی پر محسن خان پٹھان کی جانب سے ترنگا ریلی کا انعقاد

ناندیڑ:15؍اگست ( شیخ عمران) یوم آزادی کے جشن کے موقع پر آج ناندیڑ شہر و ضلع راشٹروادی کانگریس کے یوتھ صدر محسن خان پٹھان کی جانب سے آج دیگلور ناکہ سے بڑی ترنگاریلی کا انعقاد کیا گیا۔ اس ریلی میں لوہا قندھار کے رکن اسمبلی پرتاپ پاٹل چکھلیکر بھی موجود تھے۔ یہ ترنگا ریلی دیگورناکہ سے ہوتے ہوئے گنج منیار گلی ،چوک ، مونڈھا گرودوارہ چوراستہ ،وزیر آباد کلامندر ، شیواجی نگر ،سے ہوتے ہوئے چتینیہ نگر پر اختتام پذیر ہوئی اس موقع پر لوہا قندھار کے رکن اسمبلی پرتاپ پاٹل چکھلیکر نے محسن خان پٹھان کی جانب سے منعقدہ یوم آزادی کی ترنگا ریلی نکالنے پر ان کی خدمات کو سراہا اور نوجوانوں کو نصیحت کی کہ وہ ملک کے لئے ایسے ہی کام انجام دیتےرہے۔ اس موقع پر راشٹروادی کانگریس کے شہر صدر سابقہ رکن اسمبلی اوم پرکاش پوکرنا سابقہ رکن اسمبلی موہن راؤ ہمبڑے راشٹروادی کانگریس کے ریاستی جنرل سیکریٹری محمد خان پٹھان ریاستی سیکریٹری پروین پاٹل چکھلیکر ،رام داس پاٹل،ضلع صدر راشٹروادی کانگریس گرامین ،راونگاؤکر،شہر کارگزار صدر مادھو پاوڑے ،راشٹر وادی کانگریس کے یوتھ ریاستی نائب صدر کنیا قدم ،اتم راؤ سونکامڑے،سابقہ کارپوریٹر و نائب شہر صدر صابر چاؤش ،سابقہ کارپوریٹر عبدالغفار خان ،سابقہ کارپوریٹر حبیب مولانا ،اسلم پٹھان ،عبدالمحیط،محمد رضوان قریشی ،عامر لالہ شاروق ،ایڈوکیٹ ضمیر ،یوتھ جنرل سیکریٹری محمد عتیق،عبدالعتیق ،ایوب خان،و دیگر کارکنان عہدیداران بھی موجود تھے۔