چیف جسٹس آف انڈیا بھوشن گوئی کا ڈسٹرکٹ وکلاء ایسوسی ایشن نے کیا والہانہ استقبال

ملکاپور:26؍جون ( محمد احسان سر ) چیف جسٹس آف انڈیا بھوشن رام کرشنا گوئی حلف لینے کے بعد بروز بدھ 25 جون کو پہلی بار امراوتی آئے۔ شہر اور ضلع کی مختلف تنظیموں نے ان کا والہانہ استقبال کیا اور انھیں مبارکباد پیش کی. سب سے پہلے ہوائی اڈے پر حکومت کی جانب سے ڈویثرنل کمشنر ، ضلع کلکٹر اور محکمہ ریونیو اور پولیس حکام نے ان کا پرتپاک خیرمقدم کیا. شام 7 بجے پی آر پوٹے ایجوکیشنل گروپ کے آڈیٹوریم میں ڈسٹرکٹ لاںٔرز ایسوسی ایشن کی جانب سے آپ کے اعزاز میں عالی شان پروقار استقبالیہ تقریب کا اہتمام کیا گیا اور ڈسٹرکٹ وکلاء ایسوسی ایشن کی جانب سے آپ کا پرجوش استقبال کیا گیا اور انھیں ہدیہ مبارکبادی پیش کی گئی ۔ اس موقع پر امراوتی سیشن کورٹ کے مشہور و معروف وکیل ایڈوکیٹ پرویز ایم خان (کرائم سائیڈ اسپیشلسٹ) نے آپ کا بے ساختگی سے پرجوش استقبال کیا اور انھیں مبارکباد پیش کی. منعقدہ پروقار تقریب میں کثیر تعداد میں معززین شخصیات نے شرکت کی اور کثیر تعداد میں ان کے مداح بھی موجود تھے. ان یادگار و سنہرے لمحات پر ڈسٹرکٹ وکلاء ایسوسی ایشن نے بہت فخر محسوس کیا. واضح ہوکہ جسٹس بھوشن گوئی کا امراوتی سے بہت گہرا تعلق ہے ، آپ نے امراوتی سے قانونی پریکٹس شروع کی تھی اور بعد میں ان کا سفر ناگپور ، ممبئی ہائی کورٹ ، سپریم کورٹ اور اب آپ براہِ راست چیف جسٹس آف انڈیا تک پہنچ گئے ، امراوتی شہر میں عوامی نمائندوں اور مختلف تنظیموں نے ان کے رہائش گاہ پر جاکر ان زبردست استقبال کیا اور مبارکباد پیش کی جو امراوتی اور ودربھ کے لئے قابل فخر اور لائق تحسین ہے.