حادثے کے معاملہ میں‌ پوار کو 25 لاکھ 50 ہزار کا معاوضہ ادا کرنے کا حکم

ناندیڑ: 12 ستمبر( اعتبار نیوز) ایسے معاملات جو ثالثی کے ذریعے حل کیے جاسکتے ہیں اگر دونوں فریق پہل کریں تو لوک عدالت کے ذریعے فوری طور پر نمٹایا جاتا ہے۔ ناندیڑ ضلع میں منعقد ہونے والی قومی لوک عدالت میں یہ پیغام دیا گیا ہے کہ دونوں فریقین انصاف کے اطمینان کے ساتھ عدالت کے لیے لگنے والے وقت اور پیسے کو بچا سکتے ہیں۔ حال ہی میں منعقد ہونے والی لوک عدالت میں ثالثی کے ذریعےتقریباً 7 ہزار 174 مقدمات کو حل کیا گیا۔ یہ خاص بات ہے کہ مالیاتی لین دین سے متعلق کیس میں 35 کروڑ 10 لاکھ 42 ہزار 22 روپے کا سمجھوتہ کیا گیا۔سُمیت شیواجی پوار 9 دسمبر2020 ء کو حادثے کا شکار ہو گیا تھا ۔ اس نے موٹر ایکسیڈنٹ کا دعویٰ دائر کیا۔ ان کا کُل کلیم( دعویٰ) 50 لاکھ روپے تھا۔ تاہم یہ تجویز کیا گیا کہ دونوں فریقین کو آپس میں سمجھوتہ کر کے اس لوک عدالت کا راستہ اختیار کرنا چاہیے۔ جج چندر شیکھر مراٹھے پینل سربراہ نے وہیل چیئر پر بیٹھے ہوئے سمیت کو عدالت کے احاطہ میں جاکر سمجھوتہ کرنے پر بات چیت کی۔ سمیت پوار کے حادثے کے معاوضے کے لیے 25 لاکھ 50 ہزار روپے کی قیمت پر سمجھوتہ کیا گیا۔ اس لوک عدالت میں نیشنل ہائی ویز اتھارٹی آف انڈیا کے زیر التوا کل 55 مقدمات کو ثالثی کے ذریعے حل کیا گیا۔