اسرائیلی پابندیوں کے باوجود 70 ہزار فلسطینیوں نے مسجد اقصی میں عشا اور تراویح ادا کی

مقبوضہ بیت المقدس:2؍مارچ:قابض اسرائیلی فوج کی طرف سے فلسطینی نمازیوں کی مسجد اقصی میں داخلے اور وہاں پر عبادت پر عائد غیر انسانی پابندیوں کے باجود ہزاروں فلسطینیوں نے گذشتہ شب مسجد اقصی میں عشا اور تراویح کی نماز ادا کی۔ہفتے کی شام تقریبا70 ہزار فلسطینیوں نے اسرائیلی قابض حکام کی طرف سے عائد پابندیوں کے باوجود بابرکت مسجد الاقصی میں عشا اور نماز تراویح ادا کی۔القدس میں اسلامی اوقاف کے محکمے نے کہا کہ "قابض حکام کی طرف سے مسلط کی گئی پابندیوں کے باوجود باوجود تقریبا ستر ہزار فلسطینیوں نے مسجد اقصی کے اندر عشا اور تراویح کی نماز ادا کیقابض فوج نے متعدد نوجوانوں کو مسجد اقصی میں نماز ادا کرنے کے لیے داخل ہونے سے روک دیا جب کہ مسلسل مسجد اقصی اور اس کے اطراف میں پابندیاں سخت کی گئی ہیں۔ قابض فوج کی طرف سے مقبوضہ بیت المقدس، غرب اردن سے آنے والے فلسطینیوں اور مقبوضہ شمالی فلسطین کے فلسطینی مسلمانوں کو بھی قبلہ اول تک رسائی سے روک رکھا ہے۔ اس کے باوجود پابندیاں توڑ کر فلسطینی قبلہ اول میں پہنچنے میں کامیاب ہو رہے ہیں۔