صحافی مبین کامرانی شدید علیل، دعائے صحت کی درخواست

ناندیڑ:24؍فروری ( نامہ نگار) ناندیڑ کے معروف صحافی اور یوٹیوب چینل ’’میری آوازنیوز پورٹل‘‘ کے ایڈیٹر جناب مبین کامرانی گزشتہ دو ماہ سے علیل ہیں اور ان دنوں حیدرآباد کے ایک اسپتال میں زیر علاج ہیں۔مبین کامرانی صحافت کے میدان میں اپنی بے باک رپورٹنگ اور سماجی مسائل کو اجاگر کرنے کے لیے جانے جاتے ہیں۔ ان کی صحت کی ناسازی کی خبر سے ان کے چاہنے والوں میں تشویش کی لہر دوڑ گئی ہے۔ان کے اہل خانہ، دوست احباب اور صحافتی برادری نے عوام الناس سے ان کی جلد صحت یابی کے لیے دعا کرنے کی اپیل کی ہے۔ان کے خیرخواہ ان کی صحت یابی کے لیے دعاگو ہیں۔ اللہ تعالیٰ سے دعا ہے کہ وہ مبین کامرانی صاحب کو جلد از جلد صحت کاملہ عطا فرمائے۔ آمین۔