9؍فروری کو مدرسۃ البنات فاطمہ زہرا ؓکا جشن ردا پوشی

ناندیڑ:7؍فروری ( راست) بتاریخ 9 فروری مطابق 10 شعبان المعظم بروز اتوار بعد نماز ظہر تا عصر انور گارڈن حیدر باغ دیگلورناکہ ناندیڑ میں مدرسۃ البنات فاطمہ زہرا ؓ(سائی نگر و لکشمی نگر ، ناندیڑ)کا سالانہ جلسہ جشن رداپوشی کا عظیم الشان انعقاد عمل میں آرہا ہے ،جس میں خصوصی مقررہ محترمہ عالمہ فاضلہ حسنی باجی صاحبہ(نائب صدر معلمہ جامعہ رضویہ للبنات اورنگ آباد )کا خصوصی خطاب ہوگا نیز اس موقع پر مدرسہ سے 7؍ لڑکیاں فارغ ہو رہی ہیں جنکی رداپوشی پوشی کی جائے گی ، نیز مدرسہ کی طالبات و معلمات کے علاوہ مقامی عالمہ باجیوں کے بھی خطابات ہوں گے۔بعد پروگرام خصوصی دعاء بھی ہوگی ۔ لہذا مولانا مفتی عبدالعظیم رضوی ناظم مدرسۃ البنات فاطمہ زہرا ؓناندیڑ کی جانب سے درخواست کی جاتی ہے کہ آپ اپنے گھر کی خواتین کو اس میں ضرور روانہ فرمائیں۔