تحسین شیخ مجاور کو پی ایچ ڈی کی ڈگری تفویض

سولاپور :2؍اگست (اِقبال باغبان) : والچند کالج آف آرٹس اینڈ سائنس کے شعبہ جغرافیہ میں اسسٹنٹ پروفیسر تحسین شیخ ۔مجاور کو پونیشلوک اہلیا دیوی ہولکر سولاپور یونیورسٹی (فیکلٹی آف سائنس اینڈ ٹیکنالوجی) نے پی ایچ ڈی کی ڈگری سے نوازا ہے۔ پی ایچ ڈی کی تحقیق کا عنوان تھا ’’شہری ہیٹ آئی لینڈ کا مقامی پیٹرن تجزیہ اور سولاپور میونسپل کارپوریشن ‘‘تھا۔
اس تحقیق کا مرکز سولاپور شہر میں اربن ہیٹ آئی لینڈ کے اثر اور زمین کے استعمال میں ہونے والی تبدیلیوں، ان کی جغرافیائی تقسیم، اور جیوگرافک انفارمیشن سسٹم (GIS) اور ریموٹ سینسنگ ٹیکنالوجیز کا استعمال کرتے ہوئے کیے گئے تجزیے کے درمیان باہمی تعلق پر توجہ مرکوز کرتا ہے۔ تیزی سے شہری کاری، زمین کے استعمال میں تبدیلی، اور ماحول پر درجہ حرارت میں اضافے کے اثرات کا مطالعہ کرکے، تحقیق پائیدار شہری منصوبہ بندی کے لیے مفید نتائج پیش کرتی ہے۔ ماہرین نے رائے دی ہے کہ یہ تحقیق سولاپور جیسے تیزی سے ترقی کرتے ہوئے شہروں کی منصوبہ بندی کے لیے ایک رہنما فریم ورک کے طور پر کام کرے گی۔تحسین شیخ ۔مجاور نے اپنی پی ایچ ڈی ڈگری سولاپور سوشل ایسوسی ایشن کے کالج آف آرٹس اینڈ کامرس کے ایسوسی ایٹ پروفیسر ڈاکٹر دیپک نارائنکر کی رہنمائی میں اپنی تحقیق مکمل کی۔ اس تحقیق کے مختلف مراحل پر پروفیسر ڈاکٹر سچن راج گرو، پروفیسر ڈاکٹر دھی گوڑے اور ڈاکٹر چیتن ہلسور سے بھی قابل قدر رہنمائی حاصل کی۔