ناندیڑ لوک سبھا کے لیے 39 امیدوار قانونی طور پر اہل ، جبکہ اسمبلی انتخابات کے لیے 460 امیدوار اہل

ناندیڑ، 30 اکتوبر(نمائندہ اعتبار): ناندیڑ لوک سبھا کے ضمنی انتخابات اور اسمبلی عام انتخابات کے لیے آج 30 اکتوبر کو کاغذات کی جانچ کی گئی۔ لوک سبھا کے لیے 2 اور اسمبلی کے لیے 55 امیدوار غیر مجاز قرار دیے گئے ہیں۔ اس کے نتیجے میں ناندیڑ لوک سبھا کے لیے فی الوقت 39 اور ضلع کے 9 اسمبلی حلقوں کے لیے 460 امیدوار قانونی طور پر اہل قرار پائے ہیں۔ امیدواروں کی حتمی تعداد 4 نومبر کو طے ہوگی۔
ناندیڑ ضلع کے 83-کنوٹ اسمبلی حلقے میں کاغذات جمع کرانے والے 31 امیدواروں میں سے 29 کے کاغذات مجاز قرار دیے گئے ہیں جبکہ 2 غیر مجاز قرار دیے گئے۔ 84-حدگاؤں حلقے میں 66 امیدواروں میں سے 63 کے کاغذات مجاز ہیں اور 3 غیر مجاز ہیں۔ 85-بھوکر حلقے میں 144 امیدواروں میں سے 140 کے کاغذات مجاز قرار دیے گئے ہیں جبکہ 4 غیر مجاز ہیں۔ 86-ناندیڑ شمالی حلقے میں 81 امیدواروں میں سے 73 مجاز ہیں اور 8 غیر مجاز ہیں۔ 87-ناندیڑ جنوبی حلقے میں 56 میں سے 52 مجاز اور 4 غیر مجاز ہیں۔ 88-لوہا حلقے میں 35 میں سے 33 مجاز اور 2 غیر مجاز ہیں۔ 89-نائیگاؤں حلقے میں 35 میں سے 26 مجاز اور 9 غیر مجاز ہیں۔ 90-دیگلور حلقے میں 43 میں سے 27 مجاز اور 16 غیر مجاز ہیں۔ جبکہ 91-مکھیڑ حلقے میں 24 میں سے 17 مجاز اور 7 غیر مجاز قرار دیے گئے ہیں۔
آئندہ انتخابی پروگرام یہ ہے:
کاغذات واپس لینے کی آخری تاریخ: 4 نومبر
ووٹنگ کی تاریخ: 20 نومبر
ووٹوں کی گنتی کی تاریخ: 23 نومبر 2024