پرانی پنشن اسکیم ہی نافذ کی جائے:ساجد نثار احمد

پربھنی:27؍اگست ( نامہ نگار محمد سرور شریف ) ریاستی سرکاری ملازمین، نیم سرکاری ملازمین، اساتذہ اسوسی ایشن کوآرڈینیٹنگ کمیٹی نے آج 27 اگست بروز منگل شام 5 بجے سے رات 8 بجے تک ایک آن لائن میٹنگ کی۔ اس میٹنگ میں اکھیل بھارتی اردو شکشک سنگھ 11138 کے بانی ساجد نثار احمد موجود تھے۔ محترم وزیراعلی نے مطالبات پر فیصلہ لینے کے لیے مزید وقت مانگنے پر آج کے اجلاس میں 4 ستمبر تک ہڑتال معطل کرنے کی تجویز محترم وشواس کاٹکر نے پیش کی اسٹیئرنگ کمیٹی جلد ہی حتمی فیصلے کا اعلان کرے گی۔ اکھیل بھارتی اردو شکشک سنگھ کی جانب سے ساجد نثار احمد نے میٹنگ میں ایک قرارداد پیش کی کہ ڈی سی پی ایس ، این پی ایس ، یو پی ایس، یا نظرثانی شدہ پنشن اسکیم منظور نہیں ہے۔پرانی پنشن اسکیم نافذ کی جائے۔