تلنگانہ پولیس نے بینک آف مہاراشٹر کے مفرور منیجر کو گرفتار کرلیا

کوزی کوڈ: 19 اگست:تلنگانہ پولس نے بینک آف مہاراشٹرا کی واڑکارہ برانچ کے سابق مینیجر کو گرفتار کر لیا ہے، جو ایک فراڈ کیس میں مفرور ہے، کیرالہ پولس کی ایک خصوصی ٹیم جلد ہی سابق مینیجر کو تلنگانہ پولس سے حراست میں لے کر کوزی کوڈ لائے گی۔ گزشتہ ہفتے، کوزی کوڈ ضلع کی وڈاکارا پولیس نے نئے منیجر کی شکایت پر اس وقت کے برانچ منیجر ایم جے کمار کے خلاف مقدمہ درج کیا تھا۔ نئے منیجر ارشاد نے جب گروی رکھا ہوا سونا دیکھا تو اسے کچھ گڑبڑ نظر آئی جو بعد میں جعلی نکلی۔ مزید تفتیش سے معلوم ہوا کہ یہ بہت بڑا گھپلہ تھا اور ارشاد نے پولیس سے رابطہ کیا۔ فرار ہونے کے دوران، جے کمار نے ایک ویڈیو پوسٹ کیا تھا جس میں اس نے بتایا تھا کہ بینک کے اعلیٰ عہدیداروں نے اس پر بینک کے اصولوں کے خلاف ایک نجی مالیاتی کمپنی کو سونے کا قرض دینے کے لیے دباؤ ڈالا تھا۔ نئے منیجر ارشاد کی شکایت پر کیرالہ پولیس نے فوری کارروائی کی اور پڑوسی ریاستوں کی پولیس سے رابطہ کیا۔ اس کے فوراً بعد تلنگانہ پولیس نے جے کمار کو گرفتار کرلیا۔ جے کمار کے ویڈیو پوسٹ کرنے کے بعد کیرالہ کے کچھ ٹی وی نیوز چینلوں کے ذریعہ نشر ہونے والے ویڈیو کی بنیاد پر تفصیلی تحقیقات کے بعد یہ معاملہ توجہ میں لایا گیا۔ تمل ناڈو کے رہنے والے جے کمار بینک آف مہاراشٹر کی واڈکارا برانچ کے منیجر تھے اور ان کا تبادلہ کوچی برانچ میں کر دیا گیا تھا۔ تحقیقات کے مطابق گروی رکھا گیا 26 کلو سونا جعلی پایا گیا۔ اس سے بینک کو تقریباً 17 کروڑ روپے کا نقصان ہوا ہے۔ جے کمار سے تفصیلی پوچھ گچھ کے بعد کیرالہ پولس کی خصوصی ٹیم انکشاف کرے گی کہ اتنا بڑا فراڈ کیسے ہوا۔