مدھیہ پردیش میں کار درخت سے ٹکرا گئی، چار ہلاک

بھوپال:10 جولائی:مدھیہ پردیش کے نرمداپورم ضلع کے پپریا میں بدھ کی صبح ایک بڑا حادثہ ہوا۔ شادی کی تقریب سے واپس آنے والی بھاری گاڑی بے قابو ہوکر درخت سے ٹکرا گئی۔ اس حادثے میں چار افراد ہلاک اور سات زخمی ہو گئے۔ زخمیوں کو علاج کے لیے اسپتال میں داخل کرایا گیا ہے۔ پولیس کے مطابق پپریا کے کچھ لوگ شادی کی تقریب سے واپس آرہے تھے۔ گاڑی میں 11 افراد سوار تھے۔ بریلی-پپیریا روڈ پر رائس مل کے قریب گاڑی بے قابو ہو کر درخت سے ٹکرا گئی۔ پولیس کے مطابق اس حادثے میں چار افراد کی موت ہو گئی ہے جبکہ سات زخمی ہوئے ہیں۔ پانچ زخمیوں کی حالت تشویشناک بتائی جاتی ہے۔ اسے علاج کے لیے نرمداپورم کے ایک اسپتال میں بھیج دیا گیا ہے۔