اصلاحِ معاشرہ این چیریٹیبل سوسائٹی پربھنی کی جانب سے منعقدہ رشتہ کیمپ کا شاندار انعقاد

پربھنی: 8؍نومبر(محمد سرور شریف ضلع نامہ نگار) آج بتاریخ 8 نومبر کو اصلاحِ معاشرہ این چیریٹیبل سوسائٹی پربھنی کی جانب سے غالب نگر میں واقع مدرسہ عائشہ حمیرا للبنات میں نویں رشتہ کیمپ کا انعقاد عمل میں آیا۔ مذکورہ کمیٹی مسجد ایک کمیونٹی سینٹر کے اصول پر مختلف فلاحی و رفاہی خدمات انجام دیتی ہے۔ رشتہ کیمپ بھی اسی سلسلے کی ایک کڑی ہے، جس کا مقصد رشتوں کی تلاش میں غریب طبقات کی مدد کرنا ہے۔ آج بڑی تعداد میں سرپرستوں نے اس کیمپ میں شرکت کی۔کیمپ کے کامیاب انعقاد کے لیے سوسائٹی ہٰذا کے صدر جناب شیخ ظفر، سیکریٹری محمد ضیاء الدین (ایڈیٹر ریجنل نیوز)، نائب صدر عبدالرزاق، اراکین محمد منیر سر، عبدالرحیم صاحب، ظہور خاں، ساجد خان سر، تاج ہاشمی سر، مختار انصاری سر، برکت اللہ، جوائنٹ سیکریٹری ایڈووکیٹ ناہید ریحانہ، خلیل ریشماں بیگم وغیرہ نے سرگرم حصہ لیا۔