غیر قانونی جوئے کے خلاف چھاپے، 11 گرفتار، 33 لاکھ روپے کا سامان ضبط

پنجی: 16 جون:گوا پولیس نے اتوار کو 11 لوگوں کو مبینہ طور پر تاش کے کھیل کا انعقاد کرنے کے الزام میں گرفتار کیا اور 33 لاکھ روپے کی مالیت کا جوا سے متعلق مواد ضبط کیا ہے، پولیس سپرنٹنڈنٹ راہول گپتا نے بتایا کہ ملزمان کو شمالی گوا کے بامبولیم میں ایک چھاپے میں گرفتار کیا گیا۔ گپتا نے کہا، "کل 11 ملزمین کو رنگے ہاتھوں پکڑا گیا ہے۔ ان میں جوا کھیلنے والے آٹھ گاہک، دو ٹیبل ڈیلر اور ایک شفٹ مینیجر شامل ہیں۔ ان پر تاش کے غیر قانونی کھیل چلانے اور کھیلنے کا الزام ہے۔” پولیس نے جوئے کی دو میزیں، 52 تاش کے دو سیٹ، دو کارڈ شفلر، دو کارڈ سکینر، دو کیش چپ فلوٹ (28,00,450 روپے کی مختلف مقدار میں چپس) اور جوئے کا دیگر سامان ضبط کیا ہے۔ ان کی کل قیمت 33 لاکھ روپے ہے۔