ہندوستان میں نیورولوجسٹ کیسے بنتے ہیں؟ تعلیمی سفر اور اہلیت

از قلم شیخ محمود علی
8055402819

نیورولوجسٹ بننے کا سفر11 سال میں تعلیم مکمل کرنے کا طریقہ:
نیورولوجی (Neurology) طب کا ایک اہم شعبہ ہے، جس میں دماغ، ریڑھ کی ہڈی اور اعصابی نظام کی بیماریوں کی تشخیص اور علاج کیا جاتا ہے۔ نیورولوجسٹ بننے کے لیے طویل تعلیم، عملی تربیت اور مختلف داخلہ امتحانات سے گزرنا پڑتا ہے۔
نیورولوجسٹ بننے کے اہم مراحل درج ذیل ہیں:
1۔ بارہویں جماعت (12th Science): سب سے پہلے فزکس، کیمسٹری اور بایولوجی (PCB) کے ساتھ بارہویں جماعت پاس کرنا ضروری ہے۔
2۔ NEET-UG: میڈیکل کالج میں داخلے کے لیے NEET-UG کا امتحان پاس کرنا ہوتا ہے۔
3۔ MBBS: اس کے بعد ساڑھے پانچ سالہ MBBS کورس مکمل کرنا ہوتا ہے، جس میں ایک سال کی انٹرن شپ بھی شامل ہے۔
4۔ NEET-PG اور MD General Medicine: MBBS کے بعد NEET-PG کے ذریعے MD General Medicine میں داخلہ حاصل کیا جاتا ہے۔ اس کورس کی مدت تین سال ہے۔
5۔ NEET-SS: MD مکمل کرنے کے بعد نیورولوجی کی سپر اسپیشلٹی میں داخلے کے لیے متعلقہ اہلیت کے مطابق NEET-SS کا امتحان دینا ہوتا ہے۔
6۔ DM Neurology: آخری مرحلے میں تین سالہ DM Neurology کی تعلیم اور تربیت مکمل کی جاتی ہے۔
کل مدتِ تعلیم:
بارہویں جماعت کے بعد MBBS کے ساڑھے پانچ سال، MD General Medicine کے تین سال اور DM Neurology کے تین سال ملا کر تقریباً ساڑھے گیارہ سال درکار ہوتے ہیں۔
تجزیہ:
نیورولوجسٹ بننے کے لیے محنت، مستقل مزاجی اور گہری طبی معلومات ضروری ہیں۔ یہ ماہر دماغی امراض، فالج، مرگی، پارکنسنز کی بیماری اور اعصابی نظام سے متعلق دیگر مسائل کی تشخیص اور علاج میں اہم کردار ادا کرتا ہے۔