یوتھ کانگریس شہر صدر کے عہدے پر شکیل خان پٹھان کا تقرر

ملکاپور: 30/ اپریل (محمد احسان سر ) بھارتیہ نیشنل کانگریس ملکاپور شہر یوتھ کانگریس کے صدر کے عہدے پر شکیل خان جمیل خان پٹھان کی تقرری عمل میں لائی گئی ہے۔ یہ تقرری کانگریس کے شہر صدر رئیس خان جمعدار کی جانب سے تقرری نامہ کے ذریعے اعلان کی گئی. اس موقع پر رئیس خان جمعدار نے شکیل خان پٹھان کو مبارکباد پیش کرتے ہوئے امید ظاہر کی کہ وہ یوتھ کانگریس کی تنظیم کو مزید مضبوط بنانے کے لیے فعال کردار ادا کریں گے. انہوں نے کہا کہ نوجوانوں کو پارٹی کی فکر و نظریہ سے جوڑنا اور تنظیم کو وسعت دینا وقت کی اہم ضرورت ہے نومنتخب شہر صدر شکیل خان پٹھان نے اس ذمہ داری کے لیے پارٹی قیادت کا شکریہ ادا کرتے ہوئے کہا کہ وہ تنظیم کو مستحکم بنانے کے لیے پوری لگن اور خلوص کے ساتھ کام کریں گے. اس تقرری سے مقامی کانگریس کارکنان اور نوجوانوں میں خوشی اور جوش کا ماحول دیکھا جا رہا ہے.