سوشل کالج این سی سی کیڈیٹ دتا انگلے کا سولاپور محکمہ دیہی پولیس فورس میں انتخاب

سولاپور :31؍مارچ(اِقبال باغبان ) : سولاپور سوشل ایسوسی ایشن آرٹس اینڈ کامرس کالج میں 9 مہاراشٹر بٹالین این سی سی ڈویژن کے این سی سی کیڈٹ دتا ہنومنت انگلے کو سولاپور محکمہ دیہی پولیس فورس میں منتخب کیا گیا ہے۔ دتا انگل سوشل کالج کےاین سی سی ڈویژن کے اندر ایک محنتی اور نظم و ضبط والا طالب علم ہے۔این سی سی کے ساتھ اپنی شمولیت کے ذریعے، اس نے نظم و ضبط، قومی خدمت اور قائدانہ خصوصیات جیسی اقدار کو اپنایا ہے۔ پولیس بھرتی کے عمل کے دوران یہ اوصاف اس کے لیے بے حد فائدہ مند ثابت ہوئے۔اپنی محنت، عزم اور مسلسل مشق سے اس نے جسمانی اور تحریری دونوں امتحانات کامیابی سے پاس کر لیے۔ اس کامیابی پر 9 مہاراشٹر بٹالین این سی سی کے کمانڈنگ آفیسر کرنل رندھیر ستیش جی سے مبارکباد دی۔ لیفٹیننٹ کرنل شارب بابر؛ کالج کے انچارچ پرنسپل ڈاکٹر اقبال تمبولی، این سی سی آفیسر میجر ڈاکٹرغوث احمد شیخ، پروفیسر رئیسہ شیخ، اس کے ساتھ ساتھ تدریسی ٹیچراور طلباءنے انگلے کو مبارک باد دی ۔این سی سی آفیسر میجر ڈاکٹر غوث احمد شیخ نے اس یقین کا اظہار کیا کہ دتا انگلے کی کامیابی دوسرے طلباء کے لیے تحریک کا باعث بنے گی اور وہ مستقبل میں ایمانداری اور لگن کے ساتھ ملک و قوم کی خدمت کریں گے۔