ایس آئی آر کیمپ وارڈ نمبر 13 میں کامیابی کے ساتھ منعقد

پربھنی: 16؍مارچ( ضلع نامہ نگار اعتبار نیوز محمد سرور شریف ) مورخہ 16 مارچ بروز پیر وارڈ نمبر 13 میں واقع اقراء اسکول کے قریب ایس آئی آر (SIR) کے تحت ووٹر میپنگ اور رجسٹریشن کے سلسلہ میں ایک خصوصی کیمپ منعقد کیا گیا، جو کامیابی کے ساتھ مکمل ہوا۔ اس کیمپ میں عوام نے بڑی تعداد میں شرکت کرتے ہوئے اپنے ووٹر اندراج اور میپنگ کے عمل کو مکمل کروایا۔کیمپ کی نگرانی بی ایل او مولانا میر ذاکر علی نے کی، جبکہ اس موقع پر مسعود سر، پرویز سر اور انور سر نے بھی بھرپور تعاون پیش کیا۔ ذمہ داران کی رہنمائی میں شہریوں کو ایس آئی آر کے عمل، ووٹر فہرست کی درستگی اور ضروری دستاویزات کے متعلق معلومات فراہم کی گئیں۔