دی میمن مرچنٹسن اسوسی ایشن کے زیر انصرام خواتین کے تجارتی میلہ کا شاندار افتتاح

پربھنی:2 مارچ( نامہ نگار محمد سرور شریف ) دی میمن مرچنٹس اسوسی ایشن کے زیر انصرام خواتین ونگ میمن جماعت کی جانب سے حاجی محمد پاڈیلا فنکشن ہال وکیل کالونی میں بدست فوزیہ خان رکن اسمبلی تجارتی میلہ کا افتتاح عمل میں آیا اس موقع پر خواتین ونگ میمن جماعت کی صدر زبیدہ بائی ، سیکریٹری اصفیہ افضل پاڈلا ، انجم ہنگورا ، میمونہ ہنانی ، ثنا خمیسہ (اراکین خواتین میمن جماعت) موجود تھیں جبکہ افضل پاڈیلا ،خمیسہ غلام محمد مٹھو، تحسین احمد خان، موسی بھائی ناگانی، ڈاکٹر محمد ، خمیسہ محمد جنید ، سکندر کوٹھاری نےاس افتتاحی تقریب میں موجود رہ کر تجارتی میلہ میں شرکت کرنے والی خواتین کی حوصلہ افزائی کی واضح ہو گزشتہ 15 سالوں سے یہ تجارتی میلہ منعقد کیا جا رہا ہے امسال یہ تجارتی میلہ 2 مارچ تا 9 مارچ صبح 10 بجے تا رات 8 بجے تک حاجی محمد پاڈیلا فنکشن ہال پر جاری رہے گا اس تجارتی میلہ میں فنکشن ہال کی پہلی اور دوسری منزل پر جیویلری، کاسمیٹک، ڈریس مٹیریل، گھریلو سامان، لیڈیز اشیاء ، فوڈ آئٹم ،بیڈ شیٹ وغیرہ پر مشتمل جملہ 31 دکانیں لگائی گئی ہیں شہر پر بھنی کی خواتین سے اس تجارتی میلہ سے فائدہ حاصل کرنے کی درخواست فوزیہ خان رکن اسمبلی ، اصفیہ پاڈیلا ، زبیدہ بائی ، ینگ ونگ کے تمام ذمہ داران اور دی میمن مرچنٹس ایسوسی ایشن اور ینگ میمن کمیٹی کے ذمہ داران نے کی ہے.