شب برأت کو بارات کی شب نہ بنائیے!

شب برأت عبادت کی رات ہے، تلاوت قرآن کی رات ہے، قبولیت دعاء کی رات ہے، جس میں تجلیات الٰہی کا نزول ہوتا ہے اور اللہ کی رحمت بندوں کی جانب متوجہ ہوتی ہے، اس میں دعاء و درود سے غافل ہوکر فضول کاموں میں وقت گذارنا کس قدر محرومی اور بد قسمتی کی بات ہے۔شب برأت کے ذریعہ اللہ ہمیں رمضان المبارک کی تیاری کا موقع فراہم کرتاہے۔ لہٰذا ہمیں جو قت ملاہے اسے غنیمت سمجھیں اورکثرت سے عبادات کااہتمام کریں ۔
میری سبھی حضرات خصوصاً نوجوانوں سے اپیل ہے کہ غیر ضروری طور سے اِدھراْدھر نہ گھومیں اور سیروتفریح ہرگز ہرگز نہ کریں۔شب برآت کو بارات کی شب نہ بنائیں۔مسجدوں میں جمع ہوکر دنیاوی باتیں کرنا ، سڑکوں پر جھنڈ بناکر گھومنا ٹہلنا ، گاڑیاں اور موٹر سائیکلیں دوڑانا ، کرتب دکھانا ، ٹریفک جام کرنا ، یہ سب ایسے کام ہیں ، جو غیر شرعی ہیں ،ہم ایسے تمام کاموں سے بچیں جو خلاف شرع ہوں۔
اس موقع پر صدقات وغیرہ نقدی و ضروری اشیاء دیکر غریبوں و ناداروں کی زیادہ سے زیادہ امداد فرمائیں۔آپ سبھی حضرات سے گزارش ہے کہ ان سبھی ہدایات پر خصوصی توجہ فرمائیں اور اس پر ضرور عمل کریں۔اللہ رب العزت ہم سب کی حفاظت فرمائے اور صراط مستقیم پر چلنے کی توفیق عطا فرمائے۔