آج مسجد عارفین میں جلسہ فیضان امام انواراللہ شاہ فاروقی ( رحمۃ اللہ علیہ)

ناندیڑ:25؍دسمبر(راست) حضرت شیخ الاسلام امام انواراللہ شاہ فاروقی رحمۃ اللہ علیہ کے عرس کے موقع پر 25؍دسمبر بروز پیر بعد نماز عشاء مسجد عارفین ، چونا بھٹی روڈ، دیگلور ناکہ، ناندیڑ میں جلسہ’’ فیضان امام انواراللہ شاہ فاروقی رحمۃ اللہ علیہ ( بانی جامعہ نظامیہ حیدرآباد) ‘‘ کا اہتمام کیا گیا ہے۔ جس میں مقرر خصوصی کے طور پر شہزادہ غوث اعظم حضرت علامہ و مولانا حافظ و قاری ڈاکٹر سید شاہ مرتضیٰ علی صوفی ( المعروف حیدر پاشاہ قادری صاحب قبلہ مدظلہ العالی، حیدرآباد) کا خطاب ہوگا۔ نیز جمیع علماء کرام و ائمہ عظام ناندیڑ، سادات کرام و مشائخ عظام ناندیڑ بھی سہ نشین پر تشریف فرما ہوں گے۔ جمیع انجمنان اہل سنت ناندیڑ کی جانب سے تمام برادران اسلام سے گزارش کی گئی ہے کہ دوست و احباب کے ساتھ تشریف لاکر اپنی معلومات میں اضافہ کریں اور ثواب دارین حاصل کریں۔ مسجد عارفین میں عشاء کی نماز ساڑھے سات بجے ادا کی جائے گی۔