میونسپل کارپوریشن کے رابطہ عامہ محکمہ کے راج کمار لوہیا ریٹائرڈ

ناندیڑ: 30؍نومبر ( نمائندہ اعتبار) ناندیڑ واگھالہ شہر میونسپل کارپوریشن کے رابطہ عامہ محکمہ میں 2012ء سے برسرخدمت سینئر کلرک راج کمار لوہیا 30 نومبر کو ریٹائر ہوئے ہیں۔ راج کمار لکشمی نارائن لوہیا 30 نومبر کو اپنی عمر کے 58 سال مکمل ہونے پر آج ریٹائرڈ ہوگئے۔ ناندیڑ میونسپل کارپوریشن میں راج کمار لوہیا نے 38 سال 8 مہینے تک اپنی خدمات انجام دیں۔ قبل ازیں وہ 27 سال تک ٹیکس وصولی کا کام کرتے رہے۔ اس دوران شاندار وصولی کرنے پر انہیں 10 تا 12 مرتبہ خصوصی طور پر تہنیت بھی پیش کی گئی۔ 2012ء سے ریٹائرڈ ہونے تک راج کمار لوہیا میونسپل کارپوریشن کے رابطہ عامہ محکمہ میں برسرخدمت تھے۔