بارش کی وجہ سے ہونے والے نقصانات کا فوری طور پر پنچنامہ کریں: وزیر زراعت دتاتریہ بھرانے

ناندیڑ: 20؍ اگست(نمائندہ اعتبار) پچھلے پانچ سے چھ دنوں سے پورے صوبے میں مسلسل بارش ہو رہی ہے۔ اس کی وجہ سے کئی مقامات پر سیلابی صورتحال پیدا ہو گئی ہے۔ اس سے ناندیڑ ضلع کے کسانوں کا بھی بڑے پیمانے پر نقصان ہوا ہے۔ ان نقصانات کے پنچنامےانتظامیہ کو فوری طور پر مکمل کرنے کی ہدایت ریاستی وزیر زراعت دتاتریہ بھرانے نے دی ہے۔آج حدگاؤں تعلقہ کے کرموڈی میں دورہ کر کے انہوں نے شدید بارش کی وجہ سے فصلوں کے نقصان کا جائزہ لیا اور وہاں کے کسانوں سے بات چیت کی۔ اس موقع پر ایم ایل اے بابوراؤ کوہلیکر، ضلع کلکٹر راہل کرڈیلے، ضلع زرعی افسر دتاکمار کلسائت اور علاقے کے کسان اور عہدیدار موجود تھے۔پچھلے پانچ سے چھ دنوں سے مسلسل ہونے والی بارش کی وجہ سے پورے ریاستمیں ابتدائی اندازے کے مطابق 20 لاکھ 12 ہزار ایکڑ زرعی زمین کا نقصان ہوا ہے۔ اس میں صرف ناندیڑ ضلع میں 2.59 لاکھ ہیکٹر پر کھڑی فصلوں کا بڑے پیمانے پر نقصان ہوا ہے۔ کچھ مقامات پر کھیتوں کی مٹی بہہ گئی ہے، جبکہ مویشیوں کا بھی بڑے پیمانے پر نقصان ہوا ہے۔ کئی گھروں میں پانی داخل ہو گیا ہے اور گھروں کو بڑے پیمانے پر نقصان پہنچا ہے۔ ان تمام نقصانات کے پنچنامےانتظامیہ کی طرف سے شروع کر دیے گئے ہیں۔ جلد سے جلد پنچنامےمکمل کر کے جن کا نقصان ہوا ہے، ان کے بارے میں رپورٹ موصول ہوتے ہی انہیں حکومت کی طرف سے معاوضہ دیا جائے گا، اس کی یقین دہانی وزیر زراعت دتاتریہ بھرانے نے دی۔ناندیڑ ایئرپورٹ پر وزیر زراعت دتاتریہ بھرانے سے ایم ایل اے بالاجی راؤ کلیانکر، ایم ایل اے آنند راؤ بوڈھارکر اور پربھنی کے وسنت راؤ نائک مراٹھواڑہ ایگریکلچرل یونیورسٹی کے وائس چانسلر ڈاکٹر اندرمانی نے ملاقات کی اور ناندیڑ ضلع میں فصلوں کے نقصان کے معاوضے اور دیگر مسائل پر تبادلہ خیال کیا۔