پانگل اینگلو اُردُو ہائی اسکول اور جونیئر کالج میں ’’شجر کاری‘‘

شولاپور:19؍جولائی (آفرین شیخ) ایم۔ اے۔ پانگل اینگلو اردو ہائی اسکول اینڈ جونیئر کاليج آف آرٹس اینڈ سائنس شولاپور میں’’ایک پودا ماں کے نام‘‘ اس سرگرمی کے تحت شجر کاری کی ترغیب کے لیے ایک سرگرمی کا انعقاد کیا گیا۔ایم اے پانگل اینگلو اُردُو ہائی اسکول کی جانب سےمنعقد کی گئی اس سرگرمی میں ادارہ ہذا کی پانچویں سے دسویں جماعت میں زیرِ تعلیم طلباء و طالبات نے ایک ایک پودا منتخب کیا ، اس کو زمین میں بو کر ، اُسکی نگہداشت کرنے کا عزم کیا۔ اس موقع پر مدرسہ ہذا کے پرنسپل ڈاکٹر ہارون رشید باغبان نے طالب علموں کی رہبری کی اور سرگرمی میں شریک طالب علموں کی حوصلہ افزائی کی۔ اس سرگرمی میں ڈاکٹر ثریّا پروین جاگیردار ، محمد علی شیخ، وسیم نلّا مندو ، الطاف صدیقی، اکبر پٹھان ، خلیل پيرم پلّی ، بشیر شیخ ، شعیب باٹگھر اور دیگر اسٹاف ممبران موجود تھے۔ اس سرگرمی کو کامیاب کرنے کے لیے مدرسہ کے تمام کلاس ٹیچرز ، اسٹاف ممبران اور والدین نے پُر جوش انداز میں اپنا تعاون پیش کیا۔