خضرا مسجد حلقہ دیگلور ناکہ ناندیڑ کی جانب سے عطیہ خون کیمپ کا انعقاد

ناندیڑ: 2 ستمبر( شیخ عمران )خضرا مسجد حلقہ دیگلور ناکہ ناندیڑ کی جانب سے یکم ستمبر کوبعد نماز جمعہ عطیہ خون کیمپ کا انعقاد کیا گیا ۔ انسانوں میں سب سے بہترین انسان وہ ہے جو انسانیت کے کام آئے ۔ اس موقع پر کیمپ کے ذمہ داران نے میڈیا سے خطاب کرتے ہوئے کہا کہ آج مساجد کے کردار کو کچھ شر پسند عناصر غلط بیان کر رہے ہیں ، مساجد امن کا گھر ہوتے ہیں یہاں انسانیت کے کام ہوتے ہیں ۔ اسی غرض سے آج یہ عطیہ خون کیمپ کا انعقاد کیا گیا ۔ قرآن میں کہاگیا ہے کہ جس نے کسی ایک انسان کی جان بچائی گویا ساری انسانیت کی جان بچانے کے برابر ہے ۔ بعد نماز جمعہ لوگوں نے بھی بڑھ چڑھ کر اپنا عطیہ خون لوگوں کی جان چانے کے لئے دیا ۔ اس کیمپ کو کامیاب بنانے میں مسجد نوراللہ ،مسجد نمرہ ، مسجد امام الدین ،مسجد ہلال ،مسجد کے ڈونرس ، و سون پیٹھ ضلع پربھنی سے آئی ہوئی تبلیغی جماعت کے ساتھی و مسجد خضرا کے امام مفتی عبید صاحب نے بھی اپنا عطیہ خون پیش کیا ۔ مسلم میڈیکل ہیلپ ناندیڑ نے بھی عوام کو مہاتما جوتی با پھلے و دیگر گورنمنٹ کی اسکیموں سے واقف کروایا ۔کیمپ کو کامیاب بنانے میں اقصیٰ گروپ کے معیز بھائی و نوجوان محلہ این ایس فاروقی صاحب نے اہم رول ادا کیا۔