ننھے روزہ دارمیر حسنین علی کا عظیم حوصلہ

پربھنی :31؍مارچ (محمد سرور شریف ضلع نامہ نگار)میر حسنین علی ابن میر فیصل علی نے 8 سال کی عمر میں اپنی زندگی کا پہلا روزہ رکھا۔ اس معصوم بچے کی اس دینی لگن نے نہ صرف ان کے والدین بلکہ پورے خاندان کو خوشی کا احساس دلایا۔یہ ننھا روزہ دار سحری کے وقت بڑے جوش و خروش کے ساتھ بیدار ہوا اور اپنے گھر والوں کے ساتھ سحری کھانے کی سعادت حاصل کی۔ دن بھر صبر و استقامت کے ساتھ روزہ رکھ کر شام کے وقت جب انہوں نے افطار کیا تو ان کی خوشی اور مسکراہٹ دیکھنے لائق تھی۔ گھر کے تمام افراد نے اس معصوم کی اس حوصلہ مندی کو سراہا اور پہلے روزے کی خوشی میں گلپوشی کی اور اپنی دعا ؤں سے نوازا۔بچپن میں ہی عبادات سے جُڑنے اور اسلامی شعائر کو اپنانے کی یہ خوبصورت مثال اس بات کا ثبوت ہے کہ دین کی محبت دلوں میں رچ بس جائے تو عمر کی کوئی قید نہیں رہتی۔ یہ معصوم روزہ دار جو آج پہلا روزہ رکھ کر خوشی سے سرشار ہے ، کل دین کا روشن چراغ بن کر جگمگائے گا ، ان شاء اللہ ۔