ننھی روزہ دار اریبہ تقدیس کا پہلا روزہ

ناندیڑ:29؍مارچ ( راست)اریبہ تقدیس بنت محمد عارف شیخ نے کم عمری اپنی زندگی کا پہلا روزہ رکھا۔ اس معصوم بچی کی اس دینی لگن نے نہ صرف ان کے والدین بلکہ پورے خاندان کو خوشی کا احساس دلایا۔یہ ننھی روزہ دار سحری کے وقت بڑے جوش و خروش کے ساتھ بیدار ہوئی اور اپنے گھر والوں کے ساتھ سحری کھانے کی سعادت حاصل کی۔ دن بھر صبر و استقامت کے ساتھ روزہ رکھ کر شام کے وقت جب انہوں نے افطار کیا تو ان کی خوشی اور مسکراہٹ دیکھنے لائق تھی۔ گھر کے تمام افراد نے اس معصوم کی اس حوصلہ مندی کو سراہا اور پہلے روزے کی خوشی میں گلپوشی کی اوردادا، دادی، نانی، چاچوں، ماموں نے اپنی دعا ؤں سے نوازا۔بچپن میں ہی عبادات سے جْڑنے اور اسلامی شعائر کو اپنانے کی یہ خوبصورت مثال اس بات کا ثبوت ہے کہ دین کی محبت دلوں میں رچ بس جائے تو عمر کی کوئی قید نہیں رہتی۔ یہ معصوم روزہ دار جو آج پہلا روزہ رکھ کر خوشی سے سرشار ہے ، کل دین کا روشن چراغ بن کر جگمگائے گی ، ان شاء اللہ۔