مؤید المسلمین ہائی اسکول کا تعلیمی سفر کامیابیوں سے روشن، ایس ایس سی امتحان میں 96 فیصد کامیابی حاصل

پربھنی:8؍مئی (ضلع نامہ نگار اعتبار نیوز محمد سرور شریف ) دی میمن مرچنٹس اسوسی ایشن کے زیرِ انصرام چلنے والا ادارہ مؤید المسلمین ہائی اسکول پربھنی ایک معروف تعلیمی ادارہ ہے، اس نے امسال ایس ایس سی امتحان میں 95.95 فیصد شاندار کامیابی حاصل کرتے ہوئے تعلیمی میدان میں اپنی نمایاں شناخت قائم رکھی ہے۔ قابلِ ذکر بات یہ ہے کہ اس سال اسکول کے 321 طلبہ نے ایس ایس سی امتحان میں شرکت کی، جو شہر کے اردو میڈیم اسکولوں میں سب سے زیادہ تعداد مانی جا رہی ہے۔ اس شاندار کامیابی پر شہر بھر کے تعلیمی و سماجی حلقوں میں خوشی اور مسرت کی لہر دوڑ گئی۔اس موقع افضل سیٹھ پاڈیلا،( صدر دی میمن مرچنٹس اسوسی ایشن پربھنی) غلام محمد مٹھو،( سیکریٹری دی میمن مرچنٹس اسوسی ایشن پربھنی) اسکول کمیٹی چیئرمین محمدموسیٰ یوسف ناگانی،خمیسہ محمد جنید( رکن دی میمن مرچنٹس اسوسی ایشن پربھنی)اور دیگر عہدیداران نے اسکول کے صدر مدرس، تمام تدریسی و غیر تدریسی عملے کو دلی مبارکباد پیش کرتے ہوئے ان کی محنت، خلوص اور بہترین تعلیمی خدمات کو سراہا۔ذمہ داران نے اپنے تہنیتی پیغام میں کہا کہ یہ کامیابی اساتذہ کی انتھک محنت، طلبہ کی لگن اور والدین کے بھرپور تعاون کا نتیجہ ہے۔ انہوں نے امید ظاہر کی کہ ادارہ مستقبل میں بھی اسی طرح تعلیمی میدان میں نمایاں کامیابیاں حاصل کرتے ہوئے قوم و ملت کا نام روشن کرتا رہےگا ۔