اقراء شاہین اردو ہائی اسکول میں نشہ مُکتی مہم کے تحت بیداری پروگرام کا انعقاد

جلگاؤں: یکم؍ اگست ( راست) حکومتِ مہاراشٹر کی "نشہ مُکتی مہم” کے تحت اقراء شاہین اردو ہائی اسکول، مہرون، جلگاؤں میں طلبہ میں منشیات کے مضر اثرات سے متعلق بیداری پیدا کرنے کے لیے ایک خصوصی پروگرام کا انعقاد کیا گیا۔اس موقع پر طلبہ کو منشیات، تمباکو، گٹکھا، شراب اور دیگر نشہ آور اشیاء کے جسمانی، ذہنی اور سماجی نقصانات سے آگاہ کیا گیا۔ مقررین نے طلبہ سے اپیل کی کہ وہ خود بھی نشہ سے دور رہیں اور اپنے اہلِ خانہ اور معاشرے کو بھی اس کے نقصانات سے آگاہ کریں۔پروگرام میں پرنسپل ریاض شاہ سر، سپروائزر ذاکر بشیر سر، عتیق شیخ سر اور صابِر شیخ سر اور دیگر اساتذہ کرام موجود تھے۔ آخر میں تمام طلبہ نے نشہ سے پاک معاشرہ قائم کرنے کا عہد کیا۔نشہ مکت ابھیان کے انعقاد پر اقراء ایجوکیشن سوسائٹی کے صدر ڈاکٹر عبدالکریم سالار صاحب، سکریٹری اعجاز احمد ملک صاحب نے پرنسپل اور جملہ اسٹاف کو مبارک باد پیش کیں ۔