والدین اور اساتذہ کی دُعائیں طلبہ کی کامیابی کے لیے ضروری

ناندیڑ: 22؍ جنوری (نامہ نگار) یووا دِشا کے زیر اہتمام 21؍ جنوری بروز منگل دارالعلوم محمدیہ حمایت نگر کے زیر انتظام ادارہ حاجی آدم جی اردو اسکول و جونیئر کالج، حمایت نگر میں نہم سے بارہویں جماعت کے طلبہ و طالبات کے لیے ایک موٹیویشنل پروگرام کا انعقاد کیا گیا۔ اس پروگرام کا مقصد طلبہ کو بورڈ امتحانات کی تیاری کے لیے رہنمائی فراہم کرنا، وقت کا صحیح استعمال سکھانا، اور خود اعتمادی و بہتر مستقبل کے لیے ضروری اصولوں سے روشناس کرانا تھا۔پروگرام میں مشہور موٹیویشنل اسپیکر محمد عارف شیخ نے شرکت کی اور طلبہ سے خصوصی خطاب کیا۔ انہوں نے بورڈ کے امتحانات کی تیاری کے سلسلے میں طلبہ کو اہم مشورے دیے اور بتایا کہ وقت کی تنظیم (ٹائم مینجمنٹ) کس طرح کی جائے تاکہ بہترین نتائج حاصل کیے جا سکیں۔ محمد عارف شیخ سر نے طلبہ کو والدین اور اساتذہ کے احترام کی اہمیت پر زور دیتے ہوئے کہا کہ ان کی رہنمائی اور دعائیں طلبہ کی کامیابی کے لیے ضروری ہیں۔ انہوں نے خود اعتمادی کو پروان چڑھانے اور مثبت سوچ کو اپنانے پر بھی تفصیلی گفتگو کی، تاکہ طلبہ اپنے مستقبل کے خوابوں کو حقیقت کا روپ دے سکیں۔\پروگرام کے دوران مدرسہ ہٰذا کے بانی الحاج مظہرالحق کامل قاسمی صاحب، پرنسپل ظفر سر، ابرار سر، عبدالجبار سر، سلطان سر، عاطف سر اور دیگر معزز اساتذہ بھی موجود تھے۔ اساتذہ اور طلبہ نے پروگرام میں گہری دلچسپی کا مظاہرہ کیا اور موٹیویشنل اسپیکر محمد عارف شیخ کے خیالات کو سراہا۔اسکول کے ذمہ داران نے محمد عارف شیخ کا شاندار استقبال کرتے ہوئے ان کی گلپوشی کی اور ان کے قیمتی وقت اور رہنمائی پر ان کا شکریہ ادا کیا۔ اس پروگرام نے طلبہ کے اندر ایک نیا جوش اور ولولہ پیدا کیا، اور وہ اپنے امتحانات کی تیاری کے لیے پرعزم نظر آئے۔پروگرام کے اختتام پر اساتذہ نے اس طرح کے مزید تعلیمی و تربیتی پروگرام منعقد کرنے کی ضرورت پر زور دیا تاکہ طلبہ کی ذہنی و تعلیمی نشوونما کو بہتر بنایا جا سکے۔تعلیمی شعور اجاگر کرنے کے اس مشن کو آگے بڑھانے کے لیے اسکولوں اور تعلیمی ادارے موٹیویشنل اسپیکر محمد عارف شیخ سر (9595954348) سے رابطہ کرسکتے ہیں۔ ان جیسے افراد کے ذریعے طلبہ کے اندر تعلیمی کامیابی کے لیے ضروری اعتماد اور محنت کا جذبہ بیدار کیا جا سکتا ہے۔یووا دِشا کے تحت اس پروگرام نے طلبہ کو بہتر تعلیمی مستقبل کے لیے ایک مؤثر راہ دکھائی ہے۔ توقع کی جا رہی ہے کہ اس قسم کے پروگرامز مزید طلبہ کو ان کی زندگی کے مقاصد کے حصول میں مددگار ثابت ہوں گے۔