कया अप भी अपने न्यूज़ पेपर की वेब साईट बनाना चाहते है या फिर न्यूज़ पोर्टल बनाना चहाते है तो कॉल करें 9860450452 / 9028982166 /9595154683

سرگرمِ عمل استاد جنید احمد مجیب خان کو ’اسٹیٹ بیسٹ ٹیچر ایوارڈ‘ سے نوازا گیا

پربھنی :16؍نومبر ( ضلع نامہ نگار اعتبار نیوز محمد سرور شریف )او رنگ آباد چھترپتی سمبھاجی نگر مسلم ویلفیئر ایسوسی ایشن کی جانب سے مولانا ابوالکلام آزاد کی یومِ پیدائش کے موقع پر منعقدہ ’اسٹیٹ بیسٹ ٹیچر ایوارڈ 2026‘ کی تقریبِ تقسیمِ انعامات میں ضلع پریشد پرائمری اُردو اسکول تاڑبورگاوں تعلقہ مانوت ضلع پربھنی کے اردو میڈیم کے سرگرمِ عمل استاد جنید احمد مجیب خان کو ریاستی سطح کے بہترین استاد کے ایوارڈ سے سرفراز کیا گیا۔یہ تقریبِ تقسیمِ انعامات 15 نومبر 2026ء کو چھترپتی سمبھاجی نگر (اورنگ آباد) میں نہایت جوش و خروش کے ساتھ منعقد ہوئی۔ مسلم ویلفیئر ایسوسی ایشن کے قومی صدر جناب سلیم سارنگ کے دستِ مبارک سے جنید احمد مجیب خان کو ’اسٹیٹ بیسٹ ٹیچر ایوارڈ 2026‘ پیش کیا گیا۔تعلیمی میدان میں نمایاں خدمات، طلبہ کی ہمہ جہت ترقی کے لیے انجام دیے گئے مختلف اختراعی و تعلیمی اقدامات، نیز تدریس میں جدید اور سرگرمی پر مبنی طریقۂ کار کے مؤثر استعمال کے اعتراف میں انہیں اس باوقار ایوارڈ سے نوازا گیا۔اس اعزاز پر جنید احمد مجیب خان کو محکمۂ تعلیم کے ساتھی اساتذہ، دوست احباب، سرپرستوں اور مختلف شعبہ ہائے زندگی سے تعلق رکھنے والے افراد کی جانب سے مبارک باد پیش کی جا رہی ہے۔ ان کی اس کامیابی سے ضلع پریشد اسکولوں کی تعلیمی سرگرمیوں اور اردو میڈیم کے اساتذہ کی خدمات کو ایک نئی تحریک اور حوصلہ ملا ہے۔

Misbah Cloth Center Advertisment

Shaikh Akram

Shaikh Akram S/O Shaikh Saleem Chief Editor Aitebar News, Nanded (Maharashtra) Mob: 9028167307 Email: akram.ned@gmail.com

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے