اسکول بسوں کی حفاظت کے لیے ضلعی اسکول بس سیفٹی کمیٹی کا اجلاس 10 ستمبر کو

ناندیڑ :7؍ستمبر(نمائندہ اعتبار) ضلع میں اسکولی طلبہ کی محفوظ آمدورفت کو یقینی بنانے کے مقصد سے ضلع اسکول بس سیفٹی کمیٹی، ناندیڑ کا سال 2026-27کا پہلا اجلاس جمعرات، 10ستمبر 2026کو دوپہر 12:30بجے پولیس سپرنٹنڈنٹ کے دفتر(ایس پی آفس)، ناندیڑ میں منعقد ہوگا۔یہ اجلاس ضلع کلکٹر و صدر، ضلع اسکول بس سیفٹی کمیٹی، ناندیڑ کی رہنمائی میں منعقد کیا جائے گا۔ اجلاس میں ضلع میں اسکول بسوں کی محفوظ آمدورفت سے متعلق مختلف امور کا جائزہ لیا جائے گا۔ اس میں اسکول بسوں کی باقاعدہ جانچ، گاڑیوں کی فٹنس کی حالت، ڈرائیوروں اور کنڈکٹروں کی اہلیت، اسکول بس سیفٹی قوانین کی پابندی، طلبہ کے محفوظ سوار ہونے اور اترنے کے انتظامات، ہنگامی سامان، آگ بجھانے کے آلات، فرسٹ ایڈ باکس، ہنگامی اخراج کا راستہ، رفتار کو کنٹرول کرنے والے آلات سمیت دیگر حفاظتی اقدامات شامل ہیں۔اجلاس میں ضلع کے تمام اسکولوں کی اسکول بسوں کی موجودہ حالت اور حفاظتی جانچ کا جائزہ لیا جائے گا۔ اس کے علاوہ گاڑیوں کے درست فٹنس سرٹیفکیٹ، پرمٹ، انشورنس اور پی یو سی کی صورتحال، ڈرائیوروں کے درست ڈرائیونگ لائسنس اور ضروری اہلیت، ڈرائیوروں کے طبی معائنے اور پولیس تصدیق کے سلسلے میں بھی تبادلۂ خیال کیا جائے گا۔اسی طرح اسکول بسوں میں ضروری فرسٹ ایڈ باکس، آگ بجھانے کے آلات اور ہنگامی اخراج کی سہولت موجود ہے یا نہیں، طلبہ کے محفوظ سوار ہونے اور اترنے کے لیے اسکول کے احاطے میں ٹریفک انتظامات، مقررہ گنجائش سے زیادہ طلبہ کو بس میں نہ بٹھائے جانے کی یقین دہانی، اسکول بس کی رفتار اور ٹریفک قوانین کی پابندی کا بھی جائزہ لیا جائے گا۔حادثات کے لیے حساس مقامات اور اسکولوں کے اطراف ٹریفک کی حفاظت کے لیے کیے جانے والے اقدامات، گزشتہ اجلاس میں کیے گئے فیصلوں پر متعلقہ محکموں کی جانب سے کی گئی کارروائی، نیز اسکول انتظامیہ، والدین، اسکول بس ڈرائیور و مالکان اور متعلقہ محکموں کے درمیان باہمی تال میل کو مزید بہتر بنانے کے سلسلے میں بھی اجلاس میں گفتگو ہوگی۔ طلبہ کی محفوظ آمدورفت کے لیے ضروری دیگر اقدامات پر بھی غور و خوض کیا جائے گا۔
ارکان ضروری دستاویزات کے ساتھ اجلاس میں شرکت کریں:
ضلع اسکول بس سیفٹی کمیٹی کے تمام ارکان سے اپیل کی گئی ہے کہ وہ اجلاس میں مقررہ وقت پر شرکت کریں۔ متعلقہ محکموں کے پاس دستیاب اسکول بسوں کی حفاظت سے متعلق اعداد و شمار، جانچ رپورٹیں، زیرِ التوا کارروائیوں کی تفصیلات اور ضروری دستاویزات کے علاوہ اپنے محکمے سے متعلق کارروائی کی رپورٹ بھی ساتھ لائیں۔یہ اپیل ناندیڑ کے نائب علاقائی ٹرانسپورٹ افسر نے کی ہے۔