کنوٹ شہر و گوکونڈہ علاقے میں خصوصی گہری نظرِ ثانی (SIR) کے 100 فیصد فارموں کی ڈیجیٹلائزیشن مکمل کرنے والے بی ایل او عمران خان کریم خان (معاون مدرس) کی اعزازی تقریب

کنوٹ، 3 اگست:(اکرم چوہان)بھارتی الیکشن کمیشن کی ہدایات کے مطابق ریاست بھر میں جاری خصوصی گہری نظرِ ثانی (Special Intensive Revision – SIR) مہم کے تحت 083 کنوٹ اسمبلی حلقہ میں ووٹر لسٹ کو زیادہ درست، تازہ اور غلطیوں سے پاک بنانے کے لیے وسیع پیمانے پر مہم چلائی جا رہی ہے۔ اس مہم کے ذریعے ہر اہل شہری کا اندراج یقینی بنایا جا رہا ہے، فوت شدہ یا نقل مکانی کر جانے والے ووٹروں کی معلومات کو تازہ کیا جا رہا ہے اور ووٹروں کی تفصیلات کی تصدیق کے ساتھ ساتھ ڈیجیٹلائزیشن کا کام بھی انجام دیا جا رہا ہے۔اسی مہم کے دوران حصہ نمبر 181 کے بی ایل او جناب عمران خان کریم خان (معاون مدرس، جواہرالعلوم اردو سیکنڈری و ہائیر سیکنڈری اسکول، کنوٹ) نے کنوٹ اور گوکونڈہ کے شہری علاقے میں موجود 39 انتخابی حصوں میں سب سے پہلے 100 فیصد فارموں کی ڈیجیٹلائزیشن مکمل کی۔ اس شاندار کارکردگی پر معاون رجسٹریشن آفیسر (083) و چیف آفیسر، بلدیہ کنوٹ کے ہاتھوں انہیں گلدستہ، آئینِ ہند کی فریم اور قلم پیش کرکے اعزاز سے نوازا گیا۔اس موقع پر ان کے معاون بی ایل او جناب قاضی عماد صاحب اور رتھوڑ صاحب کی بھی تہنیت و اعزاز افزائی کی گئی۔اسی طرح حصہ نمبر 208 کے بی ایل او جناب راجو پلّیوار صاحب، حصہ نمبر 215 کی کشیرساگر میڈم، حصہ نمبر 205 کے ڈوکلے ستواجی، حصہ نمبر 186 کے خوشال چوہان اور حصہ نمبر 182 کے مرزا حمید بیگ کو بھی اپنے اپنے حصوں میں 100 فیصد کام مکمل کرنے پر معاون رجسٹریشن آفیسر و چیف آفیسر بلدیہ کنوٹ کے ہاتھوں گلدستہ، آئینِ ہند کی فریم اور قلم دے کر اعزاز سے نوازا گیا۔اس تقریب میں نوڈل آفیسر جناب کشتیج انیل سموکھراؤ اور سپروائزر جناب جمپلواڑ شیوشنکر ہنومنت راؤ بھی موجود تھے۔یہ مہم ضلع کلکٹر و ضلع الیکشن آفیسر ناندیڑ جناب راہل کردیلے کی ہدایات، ذیلی ضلع افسر و ووٹر رجسٹریشن آفیسر 083 کنوٹ اسمبلی حلقہ جناب سروَنن کی رہنمائی اور معاون ووٹر رجسٹریشن آفیسر و چیف آفیسر بلدیہ کنوٹ جناب مگاجی کاکڑے کی خصوصی قیادت میں مؤثر انداز میں جاری ہے۔اس خصوصی مہم کے تحت کنوٹ شہر اور گوکونڈہ علاقے میں کل 39 انتخابی حصے ہیں، جن میں 33,358 ووٹر درج ہیں۔ ان میں سے 29,346 ووٹروں کے فارم درست طریقے سے بھر کر ان کی ڈیجیٹلائزیشن مکمل کی جا چکی ہے، جو مجموعی طور پر 88 فیصد کام ہے۔ بقیہ کام کی تکمیل کے لیے معاون رجسٹریشن آفیسر، چیف آفیسر بلدیہ، مختلف علاقوں کے سپروائزر، نوڈل آفیسر، بی ایل او اور معاون بی ایل او مسلسل محنت کر رہے ہیں۔